Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

რუსეთში მიმდინარეობს ფართომასშტაბიანი კამპანია ოჯახში ძალადობის ახალი კანონის მიღების მოთხოვნით

კატეგორია: გენდერული ძალადობა 
2019-07-25

რუსეთში ათასობით ქალი შეუერთდა სოციალურ კამპანიას, რომლის მიზანია ქვეყანაში ოჯახში ძალადობის ახალი კანონის მიღება.

 

კამპანიის ორგანიზატორებმა ალინა პოპოვამ და ალექსანდრა მიტროშინამ მოუწოდეს ქალებს სოციალურ ქსელებში თავიანთი ფოტოები გამოექვეყნებინათ ჰეშტაგით: "მე არ მინდოდა სიკვდილი"(«Я не хотела умирать»)  და ამით მხარდაჭერა გამოეხატათ ოჯახში ძალადობის კანონის მიღების აუცილებლობაზე.

 

 

 

 

კამპანიის ორგანიზატორების განცხადებით, ასეთი კანონი მოქმედებს მსოფლიოს 146-ზე მეტ ქვეყანაში და აუცილებელია, რომ  რუსეთშიც იყოს მიღებული.

 

"კამპანია, რომლის  ჰეშტაგია: "მე არ მინდოდა სიკვდილი" ეძღვნებათ ოჯახში ძალადობის შედეგად მოკლულ ქალებს და მათ, ვინც ახლა პასუხისმგებლობაშია მიცემული მოძალადე პარტნიორების მკვლელობის გამო. კანონის არსებობის შემთხვევაში, ის დაიცავდა ასეთ ქალებს პარტნიორებისგან და არ აიძულებდა თავდაცვის უკიდურესი ზომების გამოყენებას", - განმარტავენ ორგანიზატორები.

 

 

ოფიციალური მონაცემებით, რუსეთში ყოველი მეხუთე  ქალი პარტნიორის მხრიდან ძალადობის მსხვერპლი გამხდარა,  ხოლო ქალების 80% იხდის სასჯელს მოძალადე პარტნიორის მკვლელობის გამო.

 

რუსეთის შინაგან საქმეთა სამინისტროს მონაცემებით, ყოველდღიურად ფემიციდის შედეგად საშუალოდ 40 ქალი იღუპება, რაც ყოველწლიურად 14 000 უდრის.

 

ამ დროისთვის პეტიცია, რომელიც კამპანიის ნაწილი გახდა, ხელმოწერილია 470,000-ზე მეტი მომხმარებლის მიერ.

 

 

 

შეგახსენებთ, რომ  2017 წლის თებერვალში რუსეთმა მიიღო ცვლილება კანონში, რომლის თანახმად მოხდა  ოჯახში ძალადობის დეკრიმინალიზაცია. ქალთა და ბავშვთა მიმართ ძალადობა, თუ ის განხორციელდა წელიწადში ერთხელ, გამოიწვია სისხლჩაქცევები და არა მოტეხილობები, ისჯება თავისუფლების აღკვეთით 15 დღის ვადით ან ჯარიმით. თუ ერთი წლის და ერთი საათის შემდეგ მოძალადემ განმეორებით იძალადა მსხვერპლზე, ის კვლავ ჯარიმას გადაიხდის.

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

შსს-ს ადამიანის უფლებათა დაცვის დეპარტამენტის დირექტორად ნინო ცაციაშვილი დაინიშნა

ავსტრიაში პირველად კანცლერად ქალი დაინიშნა

ესპანეთმა აირჩია ყველაზე გენდერულად დაბალანსებული პარლამენტი ევროპაში

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker