Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

გაეროს ქალთა ორგანიზაციის ანგარიში: ქალთა ცხოვრება ფაქტებსა და ციფრებში

კატეგორია: გენდერი მსოფლიოში 
2019-07-02

გაეროს ქალთა ორგანიზაციამ გამოაქვეყნა ანგარიში: "მსოფლიოს ქალთა პროგრესი 2019-2020 წლები: ოჯახები ცვალებად სამყაროში" (“Progress of the world's women 2019–2020: Families in a changing world”), რომელშიც განიხილავს ქალთა უფლებების მდგომარეობას სხვადასხვა ქვეყნებში.

 

გთავაზობთ ყველაზე საინტერესო ციფრებსა და ფაქტებს, რომელიც მოცემულია ანგარიშში და ასახავს არსებულ მდგომარეობას:

 

-  მსოფლიოს მასშტაბით გაიზარდა ქორწინების ასაკი, შემცირდა შობადობა, ხოლო ქალებმა მიაღწიეს უფრო მაღალ ეკონომიკურ ავტონომიის დონეს.

 

-  ერთმშობლიანი ოჯახების უმრავლესობა (შინამეურნეობების 8%) ქალების მიერ არის მართული. ყველა რეგიონში, იზრდება ერთსქესიანი ოჯახების რაოდენობა.

 

- 3 მილიარდი ქალი და გოგონა ცხოვრობს იმ ქვეყნებში, სადაც გაუპატიურება ქორწინების დროს არაკანონიერ ქმედებად არ ითვლება.

 

- ყოველ მეხუთე ქვეყანაში გოგონები არ ფლობენ იმავე მემკვიდრეობის უფლებას, რასაც ბიჭები.

 

- მსოფლიოს 19 ქვეყანაში კანონით, ქალები ვალდებულნი არიან დაემორჩილონ თავიანთ ქმრებს.

 

- განვითარებად ქვეყნებში დაქორწინებული ქალების დაახლოებით ერთმა მესამედმა კვლევის დროს განაცხადა, რომ მათი აზრი თითქმის არ არის გათვალისწინებული ან მათ უფლება არ აქვთ მიიღონ გადაწყვეტილებები საკუთარი ჯანმრთელობის შესახებ.

 

-  დაქორწინებულ კაცთა შორის  96% მუშაობს, ასევე მუშაობს ქორწინებაში მყოფ ქალთა ნახევარზე მეტი, მაშინ როცა მარტოხელა ქალების მხოლოდ ორი მესამედია დასაქმებული.

 

- ქალები კაცებზე სამჯერ უფრო მეტ დროს ხარჯავენ ოჯახის ან ოჯახის წევრების მოვლაზე/ზრუნვაზე.            

 

- მამები უფრო ხშირად იყენებენ დეკრეტულ შვებულებას ბავშვის მოვლისთვის, განსაკუთრებით იმ ქვეყნებში, სადაც ამის წახალისებისთვის გარკვეული ზომები არის მიღებული, მაგალითად, დაწესებულია "მამის კვოტა", რომელიც გულისხმობს მამების მიერ დეკრეტული შვებულების ნაწილით სარგებლობას პრინციპით - "გამოიყენე ან დაკარგე".

 

ანგარიშის ავტორები ქალთა უფლებების სფეროში არსებული მდგომარეობის გაუმჯობესების მიზნით, რამდენიმე ღონისძიების განხორციელებას სთავაზობენ.
როგორც ავტორები აღნიშნავენ, აუცილებელია არსებული კანონმდებლობების რეფორმირება, რათა უზრუნველყოფილი იყოს ქალთა უფლებები როგორიცაა: ნებაყოფლობითი ქორწინება,  განქორწინების შესაძლებლობა საჭიროების შემთხვევაში და ოჯახურ რესურსებზე ხელმისაწვდომობა.

 

გარდა ამისა, სახელმწიფომ უნდა შეუწყოს ხელი პარტნიორობის სხვადასხვა ფორმებს, მათ შორის თანაცხოვრებას და ერთსქესიან ქორწინებას, უზრუნველყოს მშობლებისთვის  ანაზღაურებადი შვებულება, ხანდაზმულთა მოვლის სახელმწიფო მხარდაჭერა და  ქალთა ფიზიკური უსაფრთხოების დაცვა კანონებისა და პოლიტიკის მეშვეობით.

 

ასეთი ღონისძიებების განხორციელება, მათ შორის ფინანსური მხარდაჭერა, ისევე როგორც ჯანდაცვის, ბავშვთა და მოხუცთათვის მომსახურეობის სფეროში ინვესტიციების განხორციელება, მოითხოვს ქვეყნებისგან მთლიანი შიდა პროდუქტის 5% -ის დახარჯვას, აცხადებენ ანგარიშის ავტორები.

 

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ავსტრიაში პირველად კანცლერად ქალი დაინიშნა

ესპანეთმა აირჩია ყველაზე გენდერულად დაბალანსებული პარლამენტი ევროპაში

ინდოეთის პარლამენტში ქალებისთვის 33 % -იან კვოტას დააწესებენ

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker