Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ღმერთის სახელით: აკრძალვის მიუხედავად ინდოელ გოგონებს აიძულებენ რიტუალურ სექსუალურ მომსახურებას

კატეგორია: გენდერული ძალადობა 
2019-01-23

ინდური ტრადიცია დევადასი, ტაძრის პროსტიტუცია, კვლავაც ფართოდ არის გავრცელებული სამხრეთ ინდოეთში, მიუხედავად იმისა, რომ 1988 წლიდან ის კანონით აიკრძალა.  

 

ინდოეთის მთავრობა ყოველ ღონეს იყენებს, რომ ბოლო მოუღოს დევადასის ტრადიციას, თუმცა ეს მიზანი ჯერჯერობით მაინც მიუღწეველი რჩება.

 

მიუხედავად იმისა, რომ დღეს დევადასად „კურთხევის“ სახალხო ცერემონიები აღარ ტარდება, ამ რიტუალს ფარულად ატარებენ და „ღვთის მეუღლეთა“ რიგებს ყოველწლიურად 15 ათასამდე ინდოელი გოგონა ემატება. ამის შესახებ ნათქვამია ანგარიშში, რომელიც  ინდოეთის ეროვნული უნივერსიტეტის სამართლის სკოლამ  და ტატას სოციალურ– მეცნიერებათა ინსტიტუტმა გამოაქვეყნა.

 

 

 

ანგარიშის მიხედვით, დევადასის სისტემა იწვევს გოგონათა სექსუალურ ექსპლუატაციას და მონობას, ხოლო ინდოეთის შტატ კარნატაკის რაიონებში, სადაც ეს ტრადიცია ფართოდ არის გავრცელებული, ის პრაკტიკულად არაკონტროლირებადია.

 

 

 

ინდოეთში დევადასად (სანსკრიტზე „ღვთის მსახურები”) კურთხევის რიტუალი ჯერ კიდევ ძვ. წ. პირველ საუკუნეში არსებობდა და განსაკუთრებით გავრცელდა შუა საუკუნეებში.

 

წინად დევადასების დიდი ნაწილი საუკეთესო და უმდიდრესი ოჯახებიდან იყვნენ გამოსულები. სპეციალურ სატაძრო სკოლებში ასკეტურად მცხოვრები გოგონები თავიანთი სპეციფიკური მოვალეობების შესრულებას სწავლობდნენ. მათ აქ საკულტო რიტუალების შესრულებას, ცეკვას, სიმღერას, მუსიკალურ ინსტრუმენტებზე დაკვრას, დახვეწილ მანერებს და აგრეთვე სიყვარულის ხელოვნებას ასწავლიდნენ. ასეთი განათლება მათ მაღალ რეპუტაციას უზრუნველყოფდა. თუმცა შემდგომ სიტუაცია რადიკალურად შეიცვალა.

 

 

 

დღეს ტაძარი გოგონებს ძირითადად ღარიბი ოჯახებიდან ყიდულობს, მაგრამ უმეტესად მშობლებს შვილები ტაძრებში თვითონვე მიჰყავთ. გოგონებს უტარდებათ „საქორწინო” ცერემონიალი ინდუისტურ ღმერთებზე დასანიშნად. ოჯახები კი, გარდა არასასურველი გოგონებისგან გათავისუფლებისა, იმედოვნებენ, რომ მათი ძღვენი დაამშვიდებს ღვთაებას და სარგებელს მოუტანს მათ.

 

ფულის საფასურად გოგონა ეწევა პროსტიტუციას, ხოლო გასამრჯელო ხმარდება ტაძრის კეთილმოწყობასა და საჭიროებას. ზოგიერთი გოგონა 2-3 წლის ასაკში გადის ამ რიტუალს, ხოლო მას შემდეგ, როცა გოგონა სქესობრივ სიმწიფეს აღწევს, სექსუალური მომსახურება ნებისმიერ კაცს უნდა გაუწიოს.

 

სატაძრო მხევლები ექსპლუატაციას განიცდიან მანამდე, სანამ მღვდლებს არ მობეზრდებათ ისინი, შემდეგ კი ხასებად მიჰყიდიან მათ, ვინც ყველაზე მაღალ ფასს გადაიხდის. ბოლოსდაბოლოს, გოგონებს (და ბავშვებს, რომლებიც მათ ჩაესახათ) ყრიან ქუჩებში, სადაც ყოველგვარ ფასად გააქვთ თავი. არიან რა კვლავ „ღმერთებზე გათხოვილნი”, მათ არა აქვთ უფლება იქორწინონ ვინმეზე. უმრავლესობა იძულებით ბორდელში ხვდება, და მათი განმასხვავებელი სამაჯურები და სამკაულები მიანიშნებენ პირველდაწყებით, სატაძრო მეძავების სტატუსზე.

 

დღეს, დაახლოებით 70 000 დევადასი მხოლოდ კარნატაკის შტატშია და 250 000 მთელ ინდოეთში.

 

 

წყარო 

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

თბილისში საკრებულოს წევრ ქალთა ფორუმის მე-6 ყოველწლიური კონფერენცია მიმდინარეობს

შსს-ს ადამიანის უფლებათა დაცვის დეპარტამენტის დირექტორად ნინო ცაციაშვილი დაინიშნა

ავსტრიაში პირველად კანცლერად ქალი დაინიშნა

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

ინტერპოლმა სუდანში 85 ბავშვი ტრეფიკინგისგან იხსნა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker