Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

ზუგდიდის ერთ-ერთ ქუჩას მშვიდობის დარგში პირველი ნობელიანტი ქალის სახელი მიენიჭა

კატეგორია: გენდერი კავკასიაში 
2018-11-05

ზუგდიდის ერთ-ერთ უსახელო ქუჩას ბერტა ფონ ზუტნერის (Berta von Suttner) სახელი მიენიჭა.   გადაწყვეტილება საკრებულოს სხდომაზე იყი მიღებული. ინფორმაციას ამის შესახებ Livepress-ი აქვეყნებს.

 

ზუგდიდის მუნიციპალიტეტის საკრებულოს ეკონომიკის, ურბანული განვითარებისა და ქონების მართვის საკითხთა კომისიის თავმჯდომარემ, ირაკლი ლაგვილავამ სხდომაზე განაცხადა, რომ ბერტა ფონ ზუტნერი არის ერთგვარი სიმბოლო ზუგდიდის ევროპასთან დაახლოების.

 

„ბერტა ფონ ზუტნერის მოღვაწეობა ნათლად ასახავს იმ ურთიერთობებს, რაც ჰქონდა სამეგრელოს ევროპასთან“, - განაცხადა ირაკლი ლაგვილავამ.

 

2016 წლიდან ზუგდიდის ერთ-ერთი ქუჩისთვის მშვიდობის დარგში ნობელის პრემიის პირველი ლაურეატი ქალის, ბერტა ფონ ზუტნერის სახელის მინიჭების საკითხს ადვოკატირებდა „ქალთა საინფორმაციო ცენტრი“ და მისი ხელმძღვანელი ელენე რუსეცკაია.

 

ეს საკითხი ასევე ასახული იყო ზუგდიდის მუნიციპალიტეტის გენდერული თანასწორობის სამოქმედო გეგმაში, რომელიც 2018 წელს მომზადდა ზუგდიდის მუნიციპალიტეტის საკრებულოს გენდერული თანასწორობის სობჭოს მიერ, არასამთავრობო ორგანიზაცია „ქალთა საინფორმაციო ცენტრის“ მხარდაჭერით.

 

 

პირველი ქალი, რომელიც ალფრედ ნობელის პრემიის ლაურეატი 1905 წელს გახდა, სამეგრელოს სამთავროს უკანასკნელ დედოფალთან, ეკატერინე ჭავჭავაძესთან მეგობრობდა და ხუთი წლის მანძილზე ზუგდიდში ცხოვრობდა.

 

ბერტა ფონ ზუტნერზე ზუგდიდის მერიამ დოკუმენტური ფილმი - „ქართველებთან და საქართველოში“ გადაიღო. მასში საუბარია ბერტა და არტურ ფონ ზუტნერების ზუგდიდში გატარებულ წლებზე, მათ კავშირსა და ურთიერთობაზე დადიანების სასახლესთან, ეკატერინე ჭავჭავაძესთან, მის შვილებთან.

 

 

ნობელის პრემია ბერტა ფონ ზუტნერს 1905 წელს მიენიჭა, ხოლო გადაეცა 1906 წლის 18 აპრილს ოსლოში. ზუტნერი გახდა პირველი ქალი მშვიდობის ნობელის პრემიის ლაურეატი და მეორე ქალი ნობელის პრემიის ლაურეატი მარი სკლოდოვსკა-კიურის შემდეგ. იგი აქვეყნებდა მრავრიცხოვან სტატიებს, დაწერა რომანი მშვიდობის პრობლემებზე და ქალთა პრობლემებზე.

 

1889 წელს გამოვიდა ბერტას წიგნი „ძირს იარაღი!“ („Die Waffen nieder!“), რომელიც მოგვითხრობდა ახალგაზრდა ქალის ცხოვრების შესახებ, რომლის ბედისწერაც ვითარდება XIX საუკუნის 60-იანი წლების ფონზე. ეს იყო მწვავე პროტესტი ომის წინააღმდეგ. რომანმა „ძირს იარაღი!“ პოპულარობა მოუტანა არა მხოლოდ ავტორს, არამედ მთელს ომის საწინააღმდეგო მოძრაობას.

 

 
2016 წელს, ქალთა საინფორმაციო ცენტრის პროექტის ფარგლებში იყო გადაღებული მოკლემეტრაჟიანი ფილმების ციკლი აფხაზეთის ე.წ. გამყოფი ხაზის მიმდებარე კონფლიქტის რეგიონში და ასახავდა ქალთა როლს მშვიდობის მშენებლობაში. დოკუმენტურ ფილმებზე სულ 21 სტუდენტი მუშაობდა, საქართველოს სხვა და სხვა რეგიონებიდან და სასწავლებლებიდან. ერთ-ერთი ფილმი სახელწოდებით „ბერტა ფონ ზუტნერი“ მიეძღვნა მშვიდობის დარგში პირველ ნობელიანტს.

 

 

 

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ისტორიაში პირველად საბერძნეთის პარლამენტმა ქალი პრეზიდენტი აირჩია

ბარაკ ობამა: ქალები კაცებზე უკეთესი ლიდერები არიან

ბრიტანეთის ახლადარჩეულ პარლამენტში ქალი დეპუტატების რეკორდული რაოდენობა შევიდა

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

არასრულწლოვნის ტრეფიკინგის ბრალდებით სამი პირი დააკავეს

ბავშვთა პორნოგრაფიის საქმეზე დანაშაულებრივი ქსელის კიდევ 11 წევრი დააკავეს

პოლიციამ ტრეფიკინგის ბრალდებით არასრულწლოვანი შვილების მშობელი დააკავა

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker