Facebook Twitter Google+ Wordpress YouTube RSS Channel Newsletters

ქალებს შეუძლიათ, ქალები მოქმედებენ, ქალები ცვლიან!

Ge

En

Ru

პარტიის შიგნით გაძლიერებით, ქალების როლიც გაძლიერდება ქართულ პოლიტიკაში

სალომე მოდებაძე
კატეგორია: ეს საინტერესოა 
2016-06-23

women.unm.ge ერთიანი ნაციონალური მოძრაობის ქალთა ორგანიზაციის ვებგვერდია, რომლის პრეზენტაციაც 21 ივნისს გაიმართა. პრეზენტაციაზე სიტყვით გამოსვლისას, ქალთა ორგანიზაციის წარმომადგენელმა თინათინ ბოკუჩავამ აღნიშნა, რომ პარტიის ოპოზიციაში გადასვლის შემდეგ დაარსებული ქალთა ორგანიზაცია დღეს უკვე აქტიურადაა ჩართული პოლიტიკურ პროცესებში როგორც დედაქალაქში, ასევე რეგიონებში. ქალები არიან წარმოდგენილი პარტიულ სიებში, მონაწილეობენ წინასაარჩევნო პროცესებში, უძღვებიან საარჩევნო კამპანიას, ხვდებიან ადგილობრივ მოსახლეობას, მაჟორიტარული სიით იყრიან კენჭს ადგილობრივი თვითმმართველობის ორგანოებში და ხდებიან „ბუნებრივი“ ლიდერები.

 

მისი თქმით, არჩევნების დროს ქალები არიან ხოლმე მთავარი მამოძრავებელი ძალა თუნდაც, კოორდინატორების სახით, მაგრამ როცა შემდგომ გადაწყვეტილების მიღებაზე მიდგება ხოლმე საქმე, ქალები აღარ არიან წარმოდგენილი აქტიურ პოლიტიკურ ცხოვრებაში. ენმ-ს პარტიულ სიებში წარმოდგენილი ქალები კი სწორედ ქალთა ორგანიზაციის აქტიური წევრები არიან. 

 

ბოკუჩავა იმედოვნებს, რომ არჩევნებამდე ეს ვებგვერდი იქნება კიდევ ერთი რესურსი იმისთვის, რომ წინ წამოწიოს ქალი პოლიტიკოსები, როგორც როლური მოდელები და ის საკითხები, რაც ქალებს წინასაარჩევნოდ აღელვებთ.

 

ენმ-ის წარმომადგენლების თქმით, პარტიის შიდა გენდერული კვოტით ბევრი მოტივირებული ქალი გახდა საკრებულოს წევრი, თუმცა არიან ისეთი ქალებიც, ვინც კვოტის გარეშეც დაამტკიცა თემის ლიდერობა. ქალთა ორგანიზაცია იმედოვნებს, რომ უახლოეს მომავალში პარტიული სიის ყოველ ათეულში სამი ქალი მაინც იქნება წარმოდგენილი, რაც ხელს შეუწყობს ქალების მონაწილეობას გადაწყვეტილების მიღების პროცესში გენდერული სამართლიანობის უზრუნველსაყოფად.

 

„თუ პარტიის შიგნით გავძლიერდებით, ზოგადად, ქალების როლიც გაძლიერდება ქართულ პოლიტიკაში“ - აღნიშნა ბოკუჩავამ და მადლობა გადაუხადა ყველა იმ ორგანიზაციას ვინც ქალთა ორგანიზაცის გაძლიერებაში ეხმარება.

 

ვებგვერდის შექმნაში განსაკუთრებული წვლილი შეიტანა ნიდერლანდების ინსტიტუტმა მრავალპარტიული დემოკრატიისათვის (NIMD).

 

სამხრეთ კავკასიაში NIMD-ის წარმომდგენლის ლევან ცუცქირიძის თქმით, ქალთა მონაწილეობის გაზრდა პოლიტიკურინ პარტიების ცხოვრებაში ქვეყნისთვისაც მნიშვნელოვანი ნაბიჯია. ცუცქირიძის აზრით, „ქართველი ქალები, ბევრ რამეში ჯაბნიან ქართველ კაცებს“ და „ეკუთვნით“ მეტი ჩარტულობა და მონაწილეობა პოლიტიკურ ცხოვრებაში, განსაკუთრებით, ძირითადი პოლიტიკური პარტიების საქმიანობაში, რაც განაპირობებს ქვეყანში მრავალპარტიული დემოკრატიის ჩამოყალიბებას. თუმცა, ცუცქირიძის თქმით, დემოკრატების გარეშე დემოკრატია არ არსებობს, თუ თვითონ პოლიტიკური აქტორები არ არიან დემოკრატიული ღირებულების მატარებლები. ქალთა მონაწილეობა კი ხელს შეუწყობს პარტიაში გადაწყვეტილებების მიღების სამართლიანობას.

 

ვებგვერდის პრეზენტაციას ქალთა საინფორმაციო ცენტრის წარმომადგენელიც ესწრებოდა. ქვეყნის სხვადასხვა რეგიონში ქალთა საკითხებზე მომუშავე არასამთავრობო ორგანზიაციების, სამართლებრივი დოკუმენტებისა და გამოცემების ბაზის შესავსებად, რეკომენდაციისათვის ენმ-ს ქალთა ორგანიზაციამ ქალთა საინფორმაციო ცენტრის გუნდსაც მიმართა.

ტეგები: NIMD ქალთა ორგანიზაცია პოლიტიკა

წინა გვერდი 

Webmaster

 

ანონსები

სასწავლო კურსი პანკისელი ქალებისთვის: "როგორ დავიწყოთ და განვავითაროთ ბიზნესი“

სასწავლო კურსი ქალებისთვის: როგორ დავიწყოთ და განვავითაროთ ბიზნესი

საქართველოს პირველი კორპორატიული ჩემპიონატი ჭადრაკში

 

ვიდეოარქივი

ახალგაზრდების დამოკიდებულების კვლევა გენდერული თანასწორობის საკითხების შესახებ

 

გენდერული პოლიტიკა

ნათია მეზვრიშვილი პრემიერ-მინისტრის აპარატის უფროსად დაინიშნა

ევროპარლამენტმა ევროპის ცენტრალური ბანკის დირექტორის პოსტზე ლაგარდი აირჩია

NDI: გამოკითხულთა 46% აზრით, პარლამენტის წევრთა 50 %- ს ქალები უნდა შეადგენდნენ

 

ფოტოარქივი

შვედი პოლიტიკოსების ოფიციალური ვიზიტი ქალთა საინფორმაციო ცენტრში

 

ტრეფიკინგი

არასრულწლოვანთა პორნოგრაფიისა და ტრეფიკინგის ბრალდებით 11 პირი დააკავეს

Global slavery index 2018: მომდევნო ათწლეულში მონობის აღმოფხვრისთვის ყოველდღიურად 10000-სი ადამიანი უნდა გათავისუფლდეს

ტრეფიკინგის ყველა შემთხვევის 59% უკავშირდება სექსუალურ ექსპლუატაციას

 

ცხელი ხაზი

ტელ.: 116 006

ოჯახში ძალადობის მსხვერპლთა საკონსულტაციო ცხელი ხაზი

ტელ.: 2 100 229

ტრეფიგინგის მსხვერპლთა საკონსულტაციო ცხელი ხაზი

ტელ.: 2 26 16 27

ძალადობისაგან დაცვის ეროვნული ქსელის ცხელი ხაზი (ა/ო)

ფემიციდი - ქალთა მიმართ ძალადობის მონიტორინგი
eXTReMe Tracker