გენდერული სიახლეები
ქალთა მოძრაობამ თბილისსა და საქართველოს სხვა ქალაქებში ქალთა მარში გამართა
2024-04-25 11:27:48

20 აპრილს ქალთა მოძრაობამ თბილისსა და საქართველოს სხვა ქალაქებში ქალთა მარში გამართა. აქცია-მსვლელობა რესპუბლიკის მოედნიდან დაიწყო და რუსთაველის გამზირზე, საქართველოს პარლამენტთან გაგრძელდა. 

წელსაც, ქალთა მარშის მთავარი მოთხოვნა, ისევე როგორც წინა წელს, მარტში, "აგენტების კანონის" გაწვევაა. ქალთა მოძრაობა ამბობს, რომ ქვეყანაში ამომრჩეველ 53% ქალს "რუსული კანონით" ვერ გააჩუმებენ და ეს კანონი ეხება ყველა ქალს.

ემიგრანტი და მარტოხელა დედებს, საქართველოს სხვადასხვა რეგიონში მცხოვრებ რელიგიური და ეთნიკური უმცირესობის ქალებს, შშმ ბავშვების დედებს და თავად შშმ ქალებს, ხანდაზმულებს, ახალგაზრდებს, ძალადობაგამოვლილ, ქვიარ თუ დევნილ და  კონფლიქტის შედეგად დაზარალებულ ქალებს.

„ჩვენ ვცხოვრობთ სახელმწიფოში, რომელიც სათანადოდ არასდროს იცავდა ქალების უფლებებს და ინტერესდებოდა ჩვენი პრობლემებით. რუსული კანონით კი საბოლოოდ გვდევნიან ყველა სივრციდან. ჩვენ ვეღარ გაგაგონებთ ხმას, როდესაც განვიცდით ძალადობას, ვითხოვთ მკურნალობას, ჩვენს შვილებს სჭირდებათ წამალი“- ქალთა მოძრაობა.

ქალთა მარშის ორგანიზატორებმა და წევრებმა გააპროტესტეს როგორც ე.წ. რუსული კანონი, ასევე, გენდერული კვოტების გაუქმება, რომლის მიზანიც, მათი თქმით, ძალაუფლების შენარჩუნებაა, რაც საფრთხეს უქმნის საქართველოში მცხოვრებ ყველა ქალს. 

„ვაფრთხილებთ ყველას, რომ ჩვენი ხმა გადამწყვეტია! არა რუსულ კანონს! კი ევროპას!“ - სკანდირებდნენ ქალთა მარშის მონაწილეები.

ე.წ. "რუსული კანონი" საქართველოს პარლამენტმა პირველი მოსმენით 17 აპრილს დაამტკიცა. კანონპროექტს მხარი დაუჭირა 83-მა დეპუტატმა, მათ შორის 73-მა - „ქართული ოცნებიდან“, ცრამ- „ხალხის ძალიდან“ და ერთმა - „ევროპელი სოციალისტებიდან“.

პირველი მოსმენით კანონპროექტის დამტკიცებას 17 აპრილს საპროტესტო აქცია მოყვა. მოეწყო მსვლელობა მთავრობის ადმინისტრაციისკენ. საპროტესტო აქციები ამ დრომდე გრძელდება, მათ შორის ახალგაზრდების, სტუდენტების ორგანიზებითა და მონაწილეობით.

პირველი მასშტაბური პროტესტი პარლამენტთან იმ დროს დაიწყო, როცა „აგენტების კანონპროექტს“ იურიდიულ საკითხთა კომიტეტის სხდომაზე პირველი მოსმენით განიხილავდნენ.

ბოლო ამბები
უდიდესი საპროტესტო ტალღის მიუხედავად, საქართველოს პარლამენტმა მეორე მოსმენით მიიღო რუსული კანონი

უდიდესი საპროტესტო ტალღის მიუხედავად, საქართველოს პარლამენტმა მეორე მოსმენით მიიღო რუსული კანონი, რომელმაც რუსეთში გააქრო დემოკრატიული ინსტიტუტები და გაამყარა ვლადიმერ პუტინის რეჟიმი

სრულად 
სამოქალაქო ორგანიზაციები: 17:00-ზე ყველას გელოდებით პარლამენტის უკან

სამოქალაქო ორგანიზაციები ერთობლივ განცხადებას აკეთებენ და საზოგადოებას 5 საათზე პარლამენტთან აქციაზე მისვლისკენ მოუწოდებენ

სრულად 
 ღონისძიებები
 დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების კონკურსს
სრულად 
ყველა სიახლე 
დაკავშირებული სტატიები
ბოლო არჩევნებზე ნახევარი მლნ ქალი არ მივიდა - როგორ ჩავრთოთ ემიგრანტები ხმის მიცემის პროცესში?

საქსტატის მონაცემებით, მხოლოდ 2023 წელს ქვეყნიდან გავიდა 245 064 მოქალაქე და შემოვიდა 205 857 მოქალაქე 

სრულად 
გენდერული კვოტირების გაუქმების კანონპროექტს პრეზიდენტმა ვეტო დაადო

შალვა პაპუაშვილის განცხადებით, ვეტოს საკითხი გადაეცა იურიდიულ კომიტეტს. საბოლოოდ საკითხი პლენარულ სხდომაზე განიხილება

სრულად 
სამოქალაქო ორგანიზაციების განცხადება

სავალდებულო გენდერული კვოტის გაუქმება ეწინააღმდეგება საქართველოს კონსტიტუციაში ასახულ ხალხის ნებას, არღვევს ქალთა უფლებებს და აფერხებს ევროინტეგრაციის პროცესს

სრულად