გენდერული სიახლეები
29 თებერვალს - 2 მარტს, გაეროს ქალთა ორგანიზაციისა და საქართველოს განათლების, მეცნიერებისა და ახალგაზრდობის სამინისტროს ორგანიზებით, გენდერული მეინსტრიმინგის თემაზე სამუშაო შეხვედრა მიმდინარეობს.
შეხვედრის მიზანია გენდერული მეინსტრიმინგის პლატფორმის მუშაობის გაუმჯობესება. ამასთან, განხილულ საკითხებს შორის იქნება განათლების პოლიტიკის სფეროში გენდერული უთანასწორობის საკითხები და გენდერული მეინსტრიმინგის პლათფორმის სამოქმედო გეგმა, გენდერის განზომილების ინტეგრაციის გზებისა და პრაქტიკების გაზიარება.
შეხვედრაზე წარდგენილი იქნება სახელმძღვანელო „გენდერული თანასწორობის გეგმა უმაღლესი საგანმანათლებლო დაწესებულებებისა და კვლევითი ორგანიზაციებისთვის“.
შეხვედრა ნორვეგიის საგარეო საქმეთა მხარდაჭერით ტარდება და მასში მონაწილეობენ სამინისტროს გენდერული მეინსტრიმინგის პლატფორმის წევრები და გაეროს ქალთა ორგანიზაციის წარმომადგენლები.
