გენდერული სიახლეები
ქალთა საინფორმაციო ცენტრის გამგეობის თავმჯდომარე, ელენე რუსეცკაია სტამბულში, ქალ მშვიდობის მშენებელთა გლობალური ქსელის (GNWP) ორგანიზებითა და ეუთოს (OSCE) მხარდაჭერით გამართულ რეგიონულ კონფერენციაზე სიტყვით წარდგა.
საქართველოდან კონფერენციაზე იმყოფებიან ასევე, ასოციაციის „თანხმობა“ ხელმძღვანელი, იულია ხარაშვილი და ფონდის „სოხუმი“ წარმომადგენელი, ეკა გამახარია.
სამხრეთ კავკასიის, აღმოსავლეთ ევროპისა და ცენტრალური აზიის ქალ მედიატორთა რეგიონული კონფერენციის მიზანია, მშვიდობის მშენებლობის დარგში სამოქალაქო საზოგადოების ქსელისა და ადვოკატირების სტრატეგიის შემუშავება.
კონფერენცია მიზნად ისახავს, ასევე, მშვიდობის მშენებლობის მიმართულებით გამოცდილების, გამოწვევების, კარგი პრაქტიკების გაზიარებას და რეზოლუციის „ქალები, მშვიდობა და უსაფრთხოება“ დღის წესრიგის შესრულებას აღნიშნულ რეგიონებში.
