3 მაისს, ქალთა საინფორმაციო ცენტრმა (WIC), სასწავლო ვიზიტის ფარგლებში, ახალგაზრდა ლიდერებს უმასპინძლა ქალაქ დუშანბედან, რომლებიც საქართველოში ევროპის უშიშროებისა და თანამშრომლობის ორგანიზაციის (OSCE) პროგრამის "ქალთა პოლიტიკური და საზოგადოებრივი მონაწილეობა“ ფარგლებში იმყოფებოდნენ.

შეხვედრა მიზნად ისახავდა საქართველოში სამოქალაქო სექტორის მხრიდან გენდერული თანასწორობის მიმართულებით არსებული გამოწვევებისა და მიღწეული შედეგების შესახებ ინფორმაციის გაზიარებას.

სასწავლო ვიზიტის ფარგლებში, WIC-ის დირექტორმა, ელენე რუსეცკაიამ ისაურა ისეთ თემებზე, როგორებიცაა: ლოკალურ, რეგიონალურ და საერთაშორისო დონეებზე მუშაობის პრაქტიკა, WIC-ის გუნდის მიერ ინიცირებულ საკანონმდებლო ცვლილებები, საუკეთესო პრაქტიკები, სოფლად მცხოვრები ქალებისა და გოგოების საჭიროებები, ქალთა ეკონომიკური გაძლიერება და სხვ.

შეხვედრის დასკვნითი ნაწილი კითხვა-პასუხის რეჟიმში წარიმართა, - მონაწილეებმა მათთვის საინტერესო და მნიშვნელოვან კითხვებზე მიიღეს პასუხები და სამომავლო თანამშრომლობის სურვილიც გამოთქვეს.

მრავალფეროვანი გამოცდილების მიღებისა და სრული სურათის უკეთ დანახვის მიზნით, პროექტის მონაწილეები ქალთა საინფორმაციო ცენტრის ორგანიზებით ასევე ხაშურის მუნიციპალიტეტში გენდერული თანასწორობის საბჭოს ესტუმრნენ, ხოლო ქალაქ ბოლნისის მუნიციპალიტეტში კი - ა/ო სამოქალაქო თანასწორობის პლატფორმას, რომელიც სოფლად მცხოვრები ეთნიკური უმცირესობების წარმომადგენელი ქალებისა და გოგოების გაძლიერებაზე მუშაობს.