გენდერული ძალადობა
ტრენინგების ციკლით "იყავი მის ადგილას" ქალთა საინფორმაციო ცენტრი რუსთავის N4 საჯარო სკოლას ესტუმრა.
ტრენინგ პროგრამა, რომელმაც გასულ წელს 1 200-მდე ადამიანი მოიცვა, მიმდინარე წელსაც აქტიურად გრძელდება. დღევანდელ სესიას მოსწავლეები და პედაგოგები ესწრებოდნენ.
ინტერაქციული ტრენინგი ცნობილი სახელმძღვანელოს, "In her Shoes"-ის მიხედვითაა შექმნილი და ძალადობაგამოვლილი ქალებისა და გოგოების რეალურ ისტორიებს ეფუძნება.
პროგრამა მიზნად ისახავს ცნობიერების ამაღლებას, გენდერული სტერეოტიპებისა და სოციალური ნორმების შესახებ, დამოკიდებულებების ცვლილებას. სამუშაო შეხვედრას, ქალთა საინფორმაციო ცენტრის ექსპერტი, მამუკა გაჩეჩილაძე უძღვებოდა.
