გენდერული სიახლეები
13 აპრილს, სამოქალაქო თანასწორობის პლატფორმის ორგანიზებით, სამუშაო შეხვედრა გაიმართა.
ღონისძიების მიზანს ეთნიკური და რელიგიური უმცირესობების წარმომადგენელი ახალგაზრდა ქალებისა და გოგოების კომპეტენციების ამაღლება წარმოადგენდა, ისეთ საკითხებზე, როგორებიცაა: ფემინიზმი, გენდერული სტერეოტიპები და მავნე წეს-ჩვეულებები, გენდერული თანასწორობა, ქალთა აქტივიზმი, მედიის როლი ქალების ცხოვრებაში, ქალთა უფლებები და სხვ.
შეხვედრას ფასილიტაციას უწევდა სამოქალაქო თანასწორობის პლატფორმის თავმჯდომარე სამირა ისმაილოვა. პირველ სესიას, ქალთა საინფორმაციო ცენტრის თავმჯდომარე ელენე რუსეცკაია უძღვებოდა. მან დამსწრე ახალგაზრდებს საკუთარი, 23 წლიანი გამოცდილება გაუზიარა და მათთვის აქტუალურ შეკითხვებს უპასუხა. სესია ინტერაქტიულ რეჟიმში წარიმართა - დამსწრეებმა საკუთარ გამოცდილებასა და თემში არსებულ გამოწვევებზე ისაუბრეს.
მეორე სესიის ფარგლებში, აზერბაიჯანელმა აქტივისტმა თოზუ გულმამედლიმ ქალთა აქტივიზმისა და ქალთა ცხოვრებაში მედიის როლზე ისაუბრა. ღონისძიების დასკვნით ნაწილში გაიმართა დისკუსია. მხარეებმა ერთმანეთს საკუთარი მოსაზრებები და რეკომენდაციები გაუზიარეს.
სამუშაო შეხვედრა პროექტის ფარგლებში “ეთნიკური და რელიგიური უმცირესობების წარმომადგენელ ქალთა განათლებისა და საკუთრების უფლების დაცვის ხელშეწყობა” გაიმართა, რომელიც ქალთა ფონდი საქართველოში” მხარდაჭერით ხორციელდება.
