მოვლენები
სახალხო დამცველმა ლევან იოსელიანმა ახალი მოადგილეები წარადგინა. გიორგი ბურჯანაძისა და ეკატერინე სხილაძის ადგილებს ელენე ღუდუშაური და ნათია ჯულაყიძე დაიკავებენ.
ლევან იოსელიანის თქმით, ელენე ღუდუშაური,პროფესიით იურისტია, სამართლის მაგისტრი, ნათია ჯულაყიძე კი სახელმწიფო მართვისა და საჯარო ადმინისტრირების მაგისტრი.
გიორგი ბურჯანაძემ და ეკატერინე სხილაძემ ომბუდსმენის მოადგილის თანამდებობა 31 მარტიდან დატოვეს. ბურჯანაძე წერდა, რომ ამ გადაწყვეტილების შესახებ მან ლევან იოსელიანს არჩევისთანავე უთხრა. ბურჯანაძის თქმით, მან და ეკატერინე სხილაძემ მარტის ბოლომდე დარჩენა გადაწყვიტეს, რადგან ანგარიში ჰქონდათ დასასრულებელი.
ლევან იოსელიანი საქართველოს პარლამენტმა სახალხო დამცველად 7 მარტს აირჩია.
