ღონისძიებები
ფოტოკონკურსი „ქალებს შეუძლიათ, ქალები მოქმედებენ, ქალები ცვლიან“
2023-03-23 17:01:49

ფოტოკონკურსის მიზანია ქალების/გოგოების უფლებებისთვის და გენდერული თანასწორობისთვის მებრძოლი ქალებისა და გოგოების წარმოჩენა.

ფოტოამბავი უნდა ეხმიანებოდეს შემდეგ თემატიკას:

•    ქალებისა და გოგოების საკვანძო როლი სამოქალაქო და მშვიდობის მშენებლობის პროცესებში;
•    ქალებისა და გოგოების წვლილი ქვეყნისთვის მნიშვნელოვან მოვლენებში;
•    ქალებისა და გოგოების უფლებებისთვის ან/და გენდერული თანასწორობისთვის მებრძოლი ქალების ისტორიები;
•    ქალებისა და გოგოების წინაშე  ყოველდღიურად არსებული გამოწვევები;
•    ლიდერი, მათ შორის გადაწყვეტილების მიმღებ პოზიციებზე მყოფი,  ქალების წარმატების ისტორიები (გამოწვევები და კარგი პრაქტიკები);
•    ქალების მიერ წარმოებული ადვოკატირების პროცესები;
•    იმ ქალების ისტორიები, რომლებიც საზოგადოებაში დამკვიდრებულ გენდერულ სტერეოტიპებს, ნეგატიურ სოციალურ ნორმებსა და დისკრიმინაციულ მიდგომებს დაუპირისპირდნენ/;
•    ეთნიკური უმცირესობების, იძულებით გადაადგილებული პირების, სოფლად მცხოვრები და შშმ ქალების წინაშე არსებული გამოწვევები და ამ კუთხით არსებული კარგი პრაქტიკები. 

კონკურსში მონაწილეობის პირობები:

•    ფოტოამბავი უნდა პასუხობდეს კონკურსის მიზნებს და თემატიკას;
•     ფოტოამბავი უნდა იყოს ინფორმატიული, შემოქმედებითი და საინტერესო; 
•    ფოტოამბავი უნდა მოიცავდეს სამიდან ხუთ ფოტოს;
•    ფოტოგმირისგან ნებართვაზე პასუხისმგებელია კონკურსის მონაწილე;
•    აუცილებელია, რომ ფოტოს თან ერთვოდეს ორიგინალური ნარატიული აღწერილობა (მაქსიმუმ 200 სიტყვა);
•    აუცილებელია, ფოტოს თან ერთვოდეს ფოტოგმირი ქალის სახელი, გვარი, საცხოვრებელი ადგილი/რეგიონი/სოფელი/ქალაქი და ის საქმიანობა, რომელსაც ეწევა;
•    ფოტო გამოგზავნილი უნდა იყოს JPEG ფორმატში;
•    მოწოდებულ ფოტოებზე არ უნდა იყოს დატანილი ლოგოები, ჩარჩოები და ა.შ !! 
•    ფოტომასალა სპეციალურად ამ კონკურსისთვის უნდა მომზადდეს და სხვა საინფორმაციო არხზე არ უნდა იყოს გამოქვეყნებული;
•    ფოტომასალა შეიძლება იყოს როგორც ფერადი, ასევე შავ-თეთრი;
•    პრიორიტეტი მიენიჭებათ სამიზნე მუნიციპალიტეტების წარმომადგენელ და/ან სამიზნე მუნიციპალიტეტში მცხოვრები ქალებისა და გოგოების ამსახველ ფოტო ამბებს.

გამარჯვებული საკონკურსო ნამუშევრების ავტორები ფულადი პრიზებით დაჯილდოვდებიან. (საავტორო უფლებები დაცულია). 

საპრიზო თანხა - 300 ლარი, საშემოსავლო გადასახადისა და საპენსიო მოსაკრებლის ჩათვლით.

საკონკურსო ნამუშევრების მიღების ბოლო ვადაა 9 აპრილი, 12:00 სთ !!! 

გამარჯვებულ ნამუშევარს "ქალთა საინფორმაციო ცენტრის" გუნდი გამოავლენს.

დაინტერესებულმა პირებმა ნამუშევრები შემდეგ ელექტრონულ მისამართზე უნდა გამოგზავნონ: wicge.org.11@gmail.com; mariam.dzagnidze@gmail.com; office@ginsc.net. 

გთხოვთ, წერილში მიუთითოთ ავტორის სახელი, გვარი, საკონტაქტო ინფორმაცია და ავტორის ფოტოსურათი.

გისურვებთ წარმატებებს!

***

კონკურსი გამოცხადებულია "ქალთა საინფორმაციო ცენტრის" პროექტის “ქალთა გაძლიერება და სრულფასოვანი მონაწილეობა ადგილობრივი გენდერული პოლიტიკის განხორციელებაში“ ფარგლებში, რომელიც, დანიური ორგანიზაცია KVINFO-სა და დანიის საგარეო საქმეთა სამინისტროს მხარდაჭერით, ხაშურის, ბოლნისის, ქედას, ზუგდიდის და ხარაგაულის მუნიციპალიტეტებში ხორციელდება. პროექტის ძირითადი მიზანია ქალთა ლიდერობისა და პოლიტიკური მონაწილეობის სფეროებში, გენდერული სამართლიანობის გაუმჯობესება საქართველოში.
 

ბოლო ამბები
კი - ევროპას, არა - რუსულ კანონს!

„კი - ევროპას, არა - რუსულ კანონს!“ - ამ სათაურით 400-ზე მეტი მედია და არასამთავრობო ორგანიზაცია ერთობლივ განცხადებას ავრცელებენ

სრულად 
ევროკავშირი: გამჭვირვალობა შეზღუდვის ინსტრუმენტი არ უნდა გახდეს

ევროკავშირი აცხადებს, რომ „ქართული ოცნების“ ინიციატივა, დააბრუნოს კანონი „უცხოური გავლენის გამჭვირვალობის“ შესახებ, “სერიოზულ შეშფოთებას იწვევს“

სრულად 
 ღონისძიებები
 დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების კონკურსს
სრულად 
ყველა სიახლე 
დაკავშირებული სტატიები
დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას

KVINFO-ს მიერ მხარდაჭერილი, ქალთა საკითხებზე მომუშავე სამი ქართული ორგანიზაციის საქმიანობის თვისებრივი ანალიზი - დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას.

სრულად 
ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს

ქალთა საინფორმაციო ცენტრი აცხადებს ბლოგების/ვლოგების/ფოტო ამბების და პოსტერების კონკურსს "ქალებს შეუძლიათ, ქალები მოქმედებენ, ქალები ცვლიან", რომელიც ეძღვნება ქალთა უფლებების თვეს

სრულად 
ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს

ქალთა საინფორმაციო ცენტრი აცხადებს ბლოგების/ვლოგების/ფოტო ამბების კონკურსს "ქალებს შეუძლიათ, ქალები მოქმედებენ, ქალები ცვლიან", რომელიც ეძღვნება 16 დღიან კამპანიას გენდერული ძალადობის წინააღმდეგ

სრულად