გენდერული ძალადობა
ტრენინგების ციკლი „იყავი მის ადგილას“  2023 წელსაც აქტიურად გრძელდება
2023-03-21 17:33:02

ტრენინგის მიზანია ცნობიერების ამაღლება და დამოკიდებულების ცვლილება იმ მავნე გენდერული სტერეოტიპებისა და სოციალური ნორმების შესახებ, რომლებიც ძალადობას აპროვოცირებენ.

სამუშაო შეხვედრას ქალთა საინფორმაციო ცენტრის ექსპერტი, მამუკა გაჩეჩილაძე უძღვება.

ინტერაქტიული ტრენინგების ციკლი ცნობილი სახელმძღვანელოს, “In Her Shoes”-ის მიხედვითაა შექმნილი და ძალადობაგამოვლილი ქალებისა და გოგოების რეალურ ისტორიებს ეფუძნება.

8 რეალურ ისტორიაზე დაყრდნობით, მონაწილეებს უწევთ ჯგუფებში განიხილონ თითოეული ქეისი, გაანალიზონ, იმსჯელონ იმ სტერეოტიპებისა და მავნე წეს-ჩვეულებების შესახებ, რომლებიც თითოეულ შემთხვევაში განსხვავებულია და ინდივიდუალური გადაწყვეტა სჭირდება. კერძოდ, ტრენინგის მონაწილეებმა უნდა იმსჯელონ რომელი სტერეოტიპები ახალისებს ძალადობას, რა გამოწვევები აქვს მსხვერპლს იმისთვის, რომ მიმართოს მაგალითად სამართალდამცავ ორგანოს, შეატყობინოს ოჯახის წევრებს ან მეზობლებს, რა როლი აქვს ძალადობის პრევენციის კუთხით, სამეზობლოს ან ზოგადად საზოგადოებას. ტრენინგის დასასრულს, ქსც-ს ტრენერთან ერთად, მონაწილეები განიხილავენ თითოეული ქეისის შემთხვევაში, რა იქნებოდა ყველაზე ოპტიმალური გადაწყვეტილება და რა ხერხები უნდა აერჩიათ ძალადობის პრევენციის მიზნით.

მავნე სტერეოტიპები, სოციალური ნორმები, დისკრიმინაცია, ძალადობის ფორმები - ეს იმ თემების მცირე ჩამონათვალია, რომელსაც ფასილიტატორი ტრენინგის მსვლელობისას ეხება. ამასთან, დამსწრეები იღებენ ინფორმაციას ოჯახში ძალადობის და/ან გენდერული ძალადობის სხვერპლთათვის არსებული სახელმწიფო სერვისების შესახებაც.

ტრენინგ-სესია მონაწილეებს შორის დისკუსიით სრულდება. ტრენინგის სამიზნე აუდიტორიას ადგილობრივი მოსახლეობა შეადგენს. მათ შორის მუნიციპალიტეტებში მცხოვრები ქალები და ახალგაზრდები.

ტრენინგის სამიზნე აუდიტორიას გურიისა და ქვემო ქართლის ადგილობრივი მოსახლეობა წარმოადგენს. მათ შორის საჯარო მოხელეები, ქალები, კაცები და ახალგაზრდები.

აღსანიშნავია, რომ ქალთა საინფორმაციო ცენტრმა, გურიისა და ქვემო ქართლის რეგიონებში, ტრენინგების ციკლის  „იყავი მის ადგილას“ ფარგლებში, გასულ წელს ჯამში 1137 ადამიანი გადაამზადა. მათ შორის, 789 ქალი (69%) და 348 კაცი (31%).

ტრენინგების ციკლი პროექტის „ქალებისა და გოგონების მიმართ ძალადობის წინააღმდეგ საქართველოში“ ფარგლებში ხორციელდება გურიისა და ქვემო ქართლის მუნიციპალიტეტებში.

პროექტი გაეროს ქალთა ორგანიზაციის (UN Women) მიერ არის მხარდაჭერილი.

 

ბოლო ამბები
კაფე „მზიურის” შენობის გასხვისების შესახებ გადაწყვეტილება

კაფე 8 წლის წინ ანა გოგუაძემ შექმნა და თავადვე მართავდა. ამასთან, გოგუაძე წლებია, მონაწილეობს ქვეყანაში მიმდინარე სხვადასხვა საპროტესტო გამოსვლებში და „ქართული ოცნების” ხელისუფლებას აკრიტიკებს

სრულად 
ოპოზიციონერი ქალები რეგიონებში საჯარო შეხვედრებს იწყებენ

ქალი პარლამენტარების მრავალპარტიულ ჯგუფში შედიან: თეონა აქუბარდია, ხატია დეკანოიძე, თამარ კორძაია, თინათინ ბოკუჩავა, ანა წითლიძე, სალომე სამადაშვილი და ანა ნაცვლიშვილი

სრულად 
 ღონისძიებები
 ქალთა საინფორმაციო ცენტრი აცხადებს ბლოგების/ვლოგების/ფოტო ამბების და პოსტერების კონკურსს - გენდერული დეზინფორმაცია
სრულად 
 პეკინის დეკლარაციისა და სამოქმედო პლატფორმის 30 წლის იუბილესთან დაკავშირებით სამოქალაქო საზოგადოებასთან კონსულტაციები გაიმართება
სრულად 
 ქალთა საინფორმაციო ცენტრი აცხადებს საინფორმაციო მასალების (ბლოგები/ვლოგები/ფოტო ამბები/სტატიები) კონკურსს
სრულად 
 დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას
სრულად 
ყველა სიახლე 
დაკავშირებული სტატიები
სამეგრელოში ცოლის მკვლელობის ბრალდებით ქმარი დააკავეს

ხუთი თვე და შვილი მოკლული ქალი საქართველოში - დღეს ზუგდიდის მუნიციპალიტეტის სოფელ კორცხელში ქმარმა ცოლი მოკლა

სრულად 
რუსთავში კაცმა ცოლი და სიდედრი მოკლა

რუსთავში, დუმბაძის ქუჩაზე, ორი ქალი მოკლეს. არსებული ინფორმაციით, მამაკაცმა ცოლი და სიდედრი ცეცხლსასროლი იარაღით მოკლა. მამაკაცი შემთხვევის ადგილზე დააკავეს

სრულად 
საქართველოში ყოველ მე-2 ქალს ცხოვრების განმავლობაში ძალადობის ერთი ფორმა მაინც გამოუცდია

გაეროს ქალთა ორგანიზაციამ და საქსტატმა ქალთა მიმართ ძალადობის შესახებ ახალი ეროვნული კვლევა 2022 წარადგინეს

სრულად