გენდერული სიახლეები
ახალგაზრდა ქალების გაძლიერება მათი ლიდერებად და მშვიდობის ელჩებად ჩამოყალიბებისთვის
2023-03-16 16:02:47

ქალთა საერთაშორისო დღესთან დაკავშირებით, 2023 წლის 7-8 მარტს ეუთოს (OSCE) ორგანიზებით, ავსტრიის დედაქალაქ ვენაში სამუშაო შეხვედრა გაიმართა თემაზე: "ახალგაზრდა ქალების გაძლიერება მათი ლიდერებად და მშვიდობის ელჩებად ჩამოყალიბებისთვის" .

ღონისძიების ინიციატორი ეუთოს გენერალური მდივანი, ჰელგა შმიდტი გახლდათ. მან ჯერ კიდევ 2021 წლის დეკემბერში წამოიწყო ლიდერი ქალების და მათ შორის, მშვიდობის მშენებელი ქალებისთვის ქსელური პლატფორმის,  WIN Project-ის ფორმირება. ეს ინოვაციური პროექტი ქალების დაკავშირებასა და მათი ცნობიერების ამაღლებას ემსახურება, რათა ადგილობრივი და საერთაშორისო დონეების ლიდერებად ჩამოყალიბდნენ.

სამუშაო შეხვედრები სწორედ ამ ინოვაციური პროექტის ფარგლებში განხორციელდა და მის მიზანს ახალგაზრდა აქტივისტების პოტენციალის განვითარება, მათი საქმიანობის წარმოჩენა და ადვოკატირების საუკეთესო პრაქტიკების გაზიარება წარმოადგენდა.

ღონისძიებას გამორჩეული მშვიდობის მშენებელი ქალები და გოგოები დაესწრნენ ეუთოს რეგიონიდან და ავღანეთიდან. მათ შორის, იყო ქალთა საინფორმაციო ცენტრის გუნდის წევრი, პროექტის „Women, Peace and Security“ უსაფრთხოების მიმართულების კოორდინატორი, ანა ნემსაძე.

პროგრამა მოიცავდა სესიებს ეუთოს თანამშრომლებთან, რომლის ფარგლებშიც დამსწრეები ეუთოს საქმიანობასა და მიმართულებებს გაეცნენ. 

სამუშაო შეხვედრებზე ხაზი გაესვა ახალგაზრდა ქალების საკვანძო როლს მშვიდობის მშენებლობის პროცესში და მათი კონტრიბუციის ხილვადობის გაზრდას. ამასთან, აღინიშნული ღონისძიება დამსწრეებისთვის ძალიან კარგი საშუალება აღმოჩნდა ეუთოსთვის რეკომენდაციების გასაჟღერებლად. დასასრულს, მათ გააზიარეს გამოცდილება და შეთანხმდნენ სამომავლო თანამშრომლობის გეგმებზე.

აღსანიშნავია, რომ თითოეულ მონაწილეს დაეთმო 5 წუთი მოხსენებისათვის და პირველი გამომსვლელი იყო საქართველოს წარმომადგენელი. ანამ ისაუბრა, როგორც ქსც-ს საქმიანობის, კარგი პრაქტიკებისა და გამოწვევების შესახებ, ასევე ახალგაზრდა ქალების სამშვიდობო პროცესებში ჩართულობის მნიშვნელობაზე. 

გთავაზობთ ნაწყვეტს მისი გამოსვლიდან:

„ის საუკეთესო პრაქტიკების მაგალითები, რომელთაც მე დღეს გიზიარებთ, ამავდროულად კარგად წარმოაჩენს იმ გამოწვევებს, რომელთა წინაშეც დღეს ქალები და ახალგაზრდები დგანან: რესურსების ნაკლებობა, განათლებაზე წვდომა და სხვა.
ჩვენ გვჭირდება მეტი მდგრადი განვითარების პროექტი, რათა უზრუნველვყოთ უკეთესი შესაძლებლობები სოფლად მცხოვრები ქალებისა და ახალგაზრდების განვითარებისთვის.

მიუხედავად არსებული სირთულეებისა, ჩვენი მიღწევები, პოზიტიური გამოხმაურებები და ქალების ღიმილიანი სახეები ყველაზე დიდი ძალაა ჩემთვის. ეს ყოველივე მაძლევს მოტივაციას, რომ არ გავჩერდე.  მთელი გულით მჯერა, რომ სწორ საქმეს ვაკეთებ. ჩემი მისიაა თუნდაც ერთი ადამიანის ცხოვრება შევცვალო უკეთესობისკენ და თუ ეს გამომოვა, ძალიან ბედნიერი ვიქნები.“

მნიშვნელოვანია, რომ ანამ სწორად გამოიყენა დათმობილი პლატფორმა და საქართველოში განვითარებულ პროცესებზეც ისაუბრა. ხაზი გაუსვა თუ როგორ იბრძოდა მისი ქვეყანა ევროპული ღირებულებებისთვის. (იგულისხმება საპროტესტო აქციებიმ, რომლებიც „უცხოური გავლენის შესახებ“ კანონპროექტის შესაძლო მიღებამ გამოიწვია). 

„კანონპროექტი აგენტების შესახებ, გვიკარგავს იმ პროგრესს, რომელიც დიდი შრომით მოვიპოვეთ ადამიანის უფლებების სფეროს მიმართულებით“ -განაცხადა მან.

„როგორც ფემინისტი აქტივისტი და ახალგაზრდა მშვიდობისმოყვარე ადამიანი, ვითხოვ თქვენს მხარდაჭერას. ვიმედოვნებ, რომ შემდგომ განვითარებული მოვლენები არ იქნება ზიანის მომტანი საზოგადოებისთვის და განსაკუთრებით კი, ქალებისთვის, ვინც ნამდვილად არიან პოზიტიური ცვლილებების უმთავრესი აქტორები!
ბოლოს და ბოლოს - ქალებს შეუძლიათ! ქალების მოქმედება! ქალები იცვლებიან!“

 

ბოლო ამბები
კაფე „მზიურის” შენობის გასხვისების შესახებ გადაწყვეტილება

კაფე 8 წლის წინ ანა გოგუაძემ შექმნა და თავადვე მართავდა. ამასთან, გოგუაძე წლებია, მონაწილეობს ქვეყანაში მიმდინარე სხვადასხვა საპროტესტო გამოსვლებში და „ქართული ოცნების” ხელისუფლებას აკრიტიკებს

სრულად 
ოპოზიციონერი ქალები რეგიონებში საჯარო შეხვედრებს იწყებენ

ქალი პარლამენტარების მრავალპარტიულ ჯგუფში შედიან: თეონა აქუბარდია, ხატია დეკანოიძე, თამარ კორძაია, თინათინ ბოკუჩავა, ანა წითლიძე, სალომე სამადაშვილი და ანა ნაცვლიშვილი

სრულად 
 ღონისძიებები
 ქალთა საინფორმაციო ცენტრი აცხადებს ბლოგების/ვლოგების/ფოტო ამბების და პოსტერების კონკურსს - გენდერული დეზინფორმაცია
სრულად 
 პეკინის დეკლარაციისა და სამოქმედო პლატფორმის 30 წლის იუბილესთან დაკავშირებით სამოქალაქო საზოგადოებასთან კონსულტაციები გაიმართება
სრულად 
 ქალთა საინფორმაციო ცენტრი აცხადებს საინფორმაციო მასალების (ბლოგები/ვლოგები/ფოტო ამბები/სტატიები) კონკურსს
სრულად 
 დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას
სრულად 
ყველა სიახლე 
დაკავშირებული სტატიები
ოპოზიციონერი ქალები რეგიონებში საჯარო შეხვედრებს იწყებენ

ქალი პარლამენტარების მრავალპარტიულ ჯგუფში შედიან: თეონა აქუბარდია, ხატია დეკანოიძე, თამარ კორძაია, თინათინ ბოკუჩავა, ანა წითლიძე, სალომე სამადაშვილი და ანა ნაცვლიშვილი

სრულად 
ისლანდიის საპრეზიდენტო არჩევნებში კანდიდატმა ქალმა, ჰალა ტომასდოტირმა გაიმარჯვა

ისლანდიის საპრეზიდენტო არჩევნებში ანტრეპრენიორმა, ბიზნესმენმა ჰალა ტომასდოტირმა გაიმარჯვა. ის თანამდებობაზე აწ უკვე ისლანდიის ყოფილ პრეზიდენტს გუდნი იოჰანესსონს შეცვლის

სრულად 
მექსიკის პირველი ქალი პრეზიდენტი კლაუდია შეინბაუმია 

ისტორიულ არჩევნებში ქვეყნის პრეზიდენტი, წარმოშობით ებრაელი და პროფესიით კლიმატოლოგი, მეხიკოს ყოფილი მერი კლაუდია შეინბაუმი გახდა

სრულად