თბილისში "ქალებზე მშვიდობასა და უსაფრთხოებაზე გაეროს უშიშროების საბჭოს რეზოლუციების განხორციელების 2022-2024 წლების ეროვნული სამოქმედო გეგმის" საკითხებისადმი მიძღვნილი კონფერენცია მიმდინარეობს.
ღონისძიება მიზნად ისახავს, ახალი ეროვნული სამოქმედო გეგმის, მისი მიზნებისა და ამოცანების წღდგენას, ასევე საუკეთესო სტრატეგიებისა და გზების განხილვას, მისი ეფექტიანად განხორციელებისთვის.
როგორც მოხსენებლებმა აღნიშნეს, ახალი ეროვნული სამოქმედო გეგმით განსაზღვრულია ის ამოცანები და ღონისძიებები, რომლებიც უნდა განხორციელდეს, როგორც ქვეყანაში, ასევე საერთაშორისო დონეზე, რათა უზრუნველყოს კონფლიქტის შემდგომ პერიოდში, ქალების და გოგოების უფლებების დაცვა, მოახდინოს კონფლიქტისა და ძალადობის პრევენცია და სამშვიდობო ძალისხმევა მიმართოს დევნილი და კონფლიქტით დაზარალებული ქალებისა და გოგოების საჭიროებებისა და უფლებების დასაცავად. ამასთან, უზრუნველყოს ქალებისა და ახალგაზრდების ეფექტიანი მონაწილეობა სამშვიდობო და უსადრთხოების საკითხების შესახებ გადაწყვეტილების მიღების პროცესში.
ღონისძიებას ესწრებიან სხვადასხვა დაინტერესებული მხარეები, რომლებიც მუშაობენ ქალების, მშვიდობის და უსაფრთხოების დღის წესრიგის განხორციელებაზე საქართველოში, მათ შორის რელევანტური უწყებები, ადგილობრივი მუნიციპალიტეტები, დონორი ორგანიზაციები და განვითარების პარტნიორები. მონაწილეებს შორის არიან, ასევე, საერთაშორისო ორგანიზაციები, გაეროს სისტემის წარმომადგენლები და შესაბამისი სამოქალაქო საზოგადოების ორგანიზაციები.