უკრაინელმა მარინა ვიაზოვსკაიამ მოიპოვა ფილდზის მედალი, რომელსაც ხშირად მათემატიკის ნობელის პრემიას უწოდებენ. ვიაზოვსკაია გახდა ისტორიაში მეორე ქალი, რომელმაც მიიღო ყველაზე პრესტიჟული ჯილდო 40 წლამდე მათემატიკოსებს შორის.

ფილდზის მედალი (ინგლ. Fields Medal) — პრემია, რომელიც ენიჭება ოთხ ან ნაკლებ ორმოც წლამდე ასაკის მათემატიკოსს საერთაშორისო მათემატიკური კავშირის ყოველ კონგრესზე, ყოველ ოთხ წელიწადში ერთხელ,მეცნიერებაში შეტანილი მნიშვნელოვანი წვლილისთვის. ჯილდოს ოდენობა შეადგენს 15000 კანადურ დოლარს (დაახლოებით 11600$).

პრემია შეიქმნა კანადელი მათემატიკოსის, ჯონ ჩარლზ ფილდზის ანდერძით. პირველი მედალი გაიცა 1936 წელს, ხოლო 1950 წლიდან დაჯოლდოება რეგულარული გახდა. მისი დანიშნულება გამოჩენილი და უკვე ღვაწლმოსილი ახალგაზრდა მათემატიკოსი მკვლევარების დაფასება და მხარდაჭერაა.

37 წლის ვიაზოვსკაიამ პრემია თებერვლის ბოლოს მოიპოვა, უკრაინაში სრულმასშტაბიანი ომის დაწყებამდე ცოტა ხნით ადრე. მაგრამ ჯილდო მას მხოლოდ დღეს გადასცეს - ჰელსინკიში მათემატიკოსთა საერთაშორისო კონგრესზე. საინტერესოა, რომ ცერემონია სანკტ-პეტერბურგში უნდა გამართულიყო, თუმცა 400-ზე მეტმა მათემატიკოსმა პროტესტი გამოთქვეს უკრაინაში რუსეთის შეჭრასთან დაკავშირებით. ამიტომ დაჯილდოვების ცერემონია  ფინეთში გადაიტანეს.