2022 წლის 29 აპრილს ქალთა საინფორმაციო ცენტრის ინიციატივით გაიმართა ონლაინ შეხვედრა საქართველოს ხუთი მუნიციპალიტეტის წარმომადგენლებთან. 

შეხვედრაში მონაწილეობდნენ ხაშურის, ბოლნისის, ქედას, ზუგდიდის და ხარაგაულის მუნიციპალიტეტის მერები, საკრებულოს თავმჯდომარეები და გენდერული თანასწორობის საბჭოს წევრები. 

შეხვედრა მიმდინარეობდა პროექტის, „ქალთა გაძლიერება და სრულფასოვანი მონაწილეობა ადგილობრივი გენდერული პოლიტიკის განხორციელებაში“, ფარგლებში, რომელიც დანიური ორგანიზაცია KVINFO-ს და დანიის საგარეო საქმეთა სამინისტროს მხარდაჭერით ხორციელდება. 

სამწლიანი პროექტის  ძირითადი მიზანია გენდერული სამართლიანობის გაუმჯობესება საქართველოში ქალთა ლიდერობისა და პოლიტიკური მონაწილეობის სფეროებში.  პროექტის ფარგლებში ქალთა საინფორმაციო ცენტრი შემდეგი კონკრეტული მიზნების რეალიზებისათვის იმუშავებს მუნიციპალიტეტებთან:

•    გენდერული თანასწორობის ინსტიტუციური მექანიზმების გაძლიერება ადგილობრივ დონეზე;
•    ქალების გაძლიერება მუნიციპალური პოლიტიკის ფორმირების, განხორციელებისა და მონიტორინგის პროცესში;
•    ქალი პოლიტიკოსების წარმოჩენა ადგილობრივ დონეზე;
•    ნეგატიური გენდერული სტერეოტიპების, ქალთა მიმართ ძალადობის მავნე პრაქტიკის თაობაზე ადგილობრვი მოსახლეობის ცნობიერების ამაღლება.