გენდერული სიახლეები
საქართველომ ქალთა მიმართ დისკრიმინაციის ყველა ფორმის აღმოფხვრის კონვენციის (CEDAW) შესრულების მეექვსე პერიოდული ანგარიში გაერთიანებული ერების ორგანიზაციას გაუგზავნა.
ანგარიში მიზნად ისახავს CEDAW კომიტეტში საქართველოს პერიოდული ანგარიშის მიმოხილვისას მთავრობის მიერ ინფორმაციის წარდგენას ქვეყანაში ქალთა მიმართ არსებული დისკრიმინაციული გარემოს შესახებ.
ანგარიშის მომზადების პროცესს კოორდინაციას უწევდა საგარეო საქმეთა სამინისტრო და ადამიანის უფლებათა საბჭოს გენდერული თანასწორობის უწყებათაშორისი კომისია. პროცესში მნიშვნელოვანი როლი მიუძღვის თითოეული სამინისტროს და რელევანტური საჯარო უწყებების წარმომადგენლებს.
ანგარიში მომზადდა გაეროს ქალთა ორგანიზაციას ექსპერტული და ტექნიკური მხარდაჭერით.
