აღმოსავლეთ პარტნიორობის სამოქალაქო საზოგადოების ფორუმის გენდერული ქსელი “GENEP” - ი ამა წლის 16 ნოემბრიდან 26 ნოემბრის ჩათვლით ატარებს ონლაინ საერთაშორისო ფემინისტურ სკოლას, რომელიც მიზნად ისახავს სტამბულის კონვენციის რატიფიცირება/განხორციელების დაჩქარებას რეგიონში და ანტი გენდერული მოძრაობის დაძლევას ფემინისტური აქტივიზმის გაძლიერების გზით.
ონლაინ სკოლში აღმოსავლეთ პარტნიორობის ქვეყნების ექსპერტები (აზერბაიჯანი, ბელორუსია, მოლდოვა, საქართველო, სომხეთი და უკრაინა) გაანალიზებენ აქტივიზმის წინაშე მდგარ ძირითად გამოწვევებს კონვენციის რატიფიცირება/ განხორციელების პროცესში. ასევე დეტალურად იქნება განხილული საქართველოს მაგალითი, რადგან აღმოსავლეთ პარტნიორობის ქვეყნებს შორის საქართველო პირველი ქვეყანაა, რომელიც 2014 წელს მიუერთდა სტამბულის კონვენციას და 2017 წლიდან დაიწყო მისი განხორციელება.
ონლაინ სკოლა ხორციელდება „ქალთა და ფემინისტური ინიციატივების ხელშეწყობა სტამბულის კონვენციის რატიფიცირება /განხორციელებაში და რეგიონში ანტი გენდერული მოძრაობის საწინააღმდეგო აქტიობა“ პროექტის ფარგლებში, რომელსაც ფინანსურ მხარდაჭერას უწევს აღმოსავლეთ პარტნიორობის სამოქალაქო საზოგადოების ფორუმის საორგაანიზაციო კომიტეტის სამდივნოს რე - გრანტინგის პროგრამა.
სკოლაში ლექცია/სემინარებს ჩაატარებენ აღმოსავლეთ პარტნიორობის ექვსივე ქვეყნის ექსპერტები.
ფემინისტური აქტივიზმის სკოლის მსმენელები იქნებიან: აღმოსავლეთ პარტნიორობის სამოქალაქო საზოგადოების ეროვნული პლატფორმის წევრი ორგანიზაციების წარმომადგენლები, და ქალთა უფლებებსა და გენდერული თანასწორობის საკითხებზე მომუშავე აქტივისტები.
სამუშაო ენები: ინგლისური და რუსული
ფემინისტური აქტივიზმიზს სკოლაში მონაწილეობის მსურველებს, შეუძლიათ დარეგისტრირდნენ შემდეგ ბმულზე: https://forms.gle/CfaXuyfrFmhLGMqu5