ცესკოს ვებგვერდზე გამოქვეყნებული მონაცემების მიხედვით, დათვლილია უბნების 100% (პროპორციული).
მონაცემების მიხედვით, პარლამენტში 9 საარჩევნო სუბიექტი ხვდება.

იმ შემთხვევაში, თუ ოპოზიციური პარტიების წარმომადგენლები პარლამენტში შევლენ, საქართველოს მეათე მოწვევის საკანონმდებლო ორგანო, პროპორციული სიებით, პარტიებს შორის მანდატები ასე განაწილდება:

• „ქართული ოცნება“ – 61 მანდატი; 14 ქალი;
• „ნაციონალური მოძრაობა – „ძალა ერთობაშია” – 35 მანდატი, 8 ქალი;
• „ევროპული საქართველო“ – 5 მანდატი; 1 ქალი
• „ლელო“ – 4 მანდატი; 1 ქალი
• „სტრატეგია აღმაშენებელი“ – 4 მანდატი; 2 ქალი
• „პატრიოტთა ალიანსი“ – 4 მანდატი; 1 ქალი
• „გირჩი“ – 4 მანდატი; 1 ქალი
• „ლეიბორისტები“ – 1; 
• „მოქალაქეები“  – 2.

არჩევნების შედეგად, მეათე მოწვევის საკანონმდებლო ორგანოში სულ 29 (19,3 %) ქალი დეპუტატი იქნება. 

სულ პროპორციული საარჩევნო სისტემის საფუძველზე წარდგენილი კანდიდატების რაოდენობა შეადგენდა ჯამში 6882 (100%) საიდანც: 3833 (55.7%) კაცი, ხოლო 3049 (44.3%) ქალი იყო.

შეგახსენებთ, რომ 2016-2020 წლების პარლამენტში ქალი დეპუტატების რაოდენობა 24-ს შეადგენდა (16%), საიდანაც 18 პროპორციული და 6 მაჟორიტარული სიით შევიდა.

2020 წელს საარჩევნო კოდექსით სავალდებულო გახდა გენდერული კვოტა, რომელიც ავალდებულებს პოლიტიკურ პარტიებს, საარჩევნო სიებში წარმოდგენილი კანდიდატებიდან არაუმეტეს 75 პროცენტისა იყოს ერთი და იმავე სქესის. ამასთან, იმ პოლიტიკურ პარტიებს, რომლებიც 30 პროცენტიან კვოტირებას გადააჭარბებენ, საქართველოს კანონმდებლობა დამატებით დაფინანსებას სთავაზობს.