გენდერული სიახლეები
ტოგოს პირველმა პრემიერ-მინისტრმა ქალმა ვიქტუარ ტომეგა-დოგბემ ახალი მინისტრთა კაბინეტი წარადგინა. ახალი მთავრობის შემადგენლობაში 33 ქალი მინისტრია (30%), რაც ქვეყნის დამოუკიდებლობის ისტორიაში რეკორდულ მაჩვენებელს წარმოადგენს. ამის შესახებ სააგენტო Reuters-ი იუწყება.
ქვეყნის ისტორიაში პირველად დოგბემ, თავდაცვის მინისტრად, ასევე ქალი წარადგინა.
ვიქტუარ ტომეგა-დოგბე დაიბადა 1959 წელს. ის მუშაობდა გაეროს განვითარების პროგრამაში (UNDP), იკავებდა ინფრასტრუქტურის განვითარების მინისტრის, ასევე პრეზიდენტის აპარატის უფროსის თანამდებობებს. პრემიერ-მინისტრის პოსტზე მან შეცვალა კომი სელომ კლასუ, რომელიც ქვეყნის პრემიერის თანამდებობას 2015 წლიდან იკავებდა და რამოდენიმე დღის წინ გადადგა.
2020 წლის მარტში ტოგოს რესპუბლიკაში საპრეზიდენტო არჩევნები ჩატარდა და 15 წლის მმართველობის შემდეგ პრეზიდენტმა ფორ ესოზიმნა გნასინგბემ თანამდებობა დატოვა.
