მოვლენები
IPRM -ის შეხვედრაზე საოკუპაციო რეჟიმის მიერ თამარ მეარაყიშვილის დევნის საკითხს განიხილავენ
2020-09-24 12:48:09

სოფელ ერგნეთში ინციდენტების პრევენციის და მათზე რეაგირების მექანიზმის სამუშაო ჯგუფების 97-ე შეხვედრა დაიწყო.
შეხვედრის დაწყების წინ საქართველოს სახელმწიფო უსაფრთხოების სამსახურის ანალიტიკური დეპარტამენტის უფროსის მოადგილემ, ირაკლი ანთაძემ განაცხადა, რომ განსახილველ საკითხთა შორის პრიორიტეტული ოკუპირებულ ახალგორში მცხოვრები, დე ფაქტო რეჟიმისგან დევნილი თამარ მეარაყიშვილის საკითხი იქნება. 

„აღნიშნული საკითხი არაერთგზის დამდგარა და გაჟღერებულა როგორც ინციდენტების პრევენციისა და მათზე რეაგირების მექანიზმის, ასევე ჟენევის საერთაშორისო დისკუსიების ფორმატში და დღევანდელ შეხვედრაზე კიდევ ერთხელ მოხდება ამ საკითხის გააქტიურება“, განაცხადა ირაკლი ანთაძემ შეხვედრის დაწყების წინ.

სამ წელზე მეტია, ახალგორელი აქტივისტი, თამარ მეარაყიშვილი სამხრეთ ოსეთის დე ფაქტო ხელისუფლების მხრიდან ანგარიშსწორების მსხვერპლია. მის წინააღმდეგ მეოთხე წელია გამოძიება აბსურდული ბრალდებით მიმდინარეობს. მიმდინარე სისხლის სამართლის საქმის გამო, მეარაყიშვილს წლებია გადაადგილების თავისუფლება შეზღუდული აქვს. ახალგორის ჩაკეტვის შემდეგ, მის მონახულებას ოჯახის წევრებიც ვეღარ ახერხებენ.

ბოლო ორი კვირის განმავლობაში, თამარ მეარაყიშვილს სოციალურ ქსელში რაიონის პროკურორი ემუქრება. მეარაყიშვილის თქმით, მისთვის სადამსჯელო მექანიზმად პროკურორმა ელექტრო ენერგიის შეწყვეტა გამოიყენა. თამარ მეარაყიშვილს ელექტროენერგიის გათიშვის შესახებ ელექტროენერგიის მიმწოდებელ კომპანიაში აცნობეს, რომ დავალიანება არ აქვს, თუმცა ელექტროენერგია პროკურატურის დავალებით შეუწყვიტეს.

თამარ მეარაყიშვილი ამ ინცინდენტს სამი წლის წინანდელ საქმეს უკავშირებს, სადაც მრიცხველის გაუმართაობის გამო დარიცხული არარეალური დავალიანება ელექტრენერგიის მიმწოდებელი კომპანიის ხელმძღვანელთან შეთანხმებით ჩამოაწერეს. სწორედ ამ თემას იყენებს პროკურორი მუქარისთვის. 

ირაკლი ანთაძის განცხადებით, განსახილველ საკითხთა შორის პრიორიტეტული უსაფრთხოების გარემოსთან დაკავშირებული საკითხები იქნება, ამ კონტექსტში კი მთავარი აქცენტი უკანონო პატიმრობაში მყოფი საქართველოს მოქალაქეების უპირობოდ გათავისუფლებაზე გაკეთდება.

ამავე შეხვედრაზე განიხილავენ უკანონოდ დაპატიმრებული ზაზა გახელაძის საქმესაც.

„ასევე ვისაუბრებთ უკანონო ეგრეთ წოდებული ბორდერიზაციის პრობლემებზე და ყველა იმ თანამდევ პროცესებზე, რაც პრობლემებს უქმნის ადგილობრივ მკვიდრ მოსახლეობას თავისუფალი გადაადგილების კუთხით.“, - აღნიშნა ირაკლი ანთაძემ.

ერგნეთში IPRM -ის წინა შეხვედრა 30 ივლისს გაიმართა.

ბოლო ამბები
კახეთში კაცმა მეზობელი და ცოლი მოკლა

მკვლელობა მოხდა გურჯაანის მუნიციპალიტეტის სოფელ ვაზისუბანში. წინასწარი ინფორმაციით, მამაკაცმა ჯერ ცოლი მოკლა, შემდეგ კი მეზობელი, რომელიც ქალის დახმარებას ცდილობდა

სრულად 
ცესკომ ახალი გენდერული საინფორმაციო პორტალი შექმნა

ახალი საინფორმაციო რესურსი მომხმარებელს საშუალებას მისცემს მიიღოს არჩევნების შესახებ, გენდერულ ჭრილში დამუშავებული სტატისტიკური ინფორმაცია

სრულად 
 ღონისძიებები
 საგრანტო პროგრამა ახალგაზრდებისთვის 
სრულად 
 ქალთა საინფორმაციო ცენტრი აცხადებს ვიდეო რგოლების კონკურსს 
სრულად 
 ბერტა ფონ ზუტნერის მშვიდობის პრემია 2020
სრულად 
 ქალთა საინფორმაციო ცენტრი აცხადებს კონკურსს ბლოგერებისთვის
სრულად 
ყველა სიახლე 
დაკავშირებული სტატიები
აშშ-ს სენატმა ეიმი კონი ბარეტი უზენაესი სასამართლოს წევრად დაამტკიცა

აშშ-ს სენატმა, სადაც უმრავლესობას რესპუბლიკელები ფლობენ, უზენაესი სასამართლოს მოსამართლედ დაამტკიცა პრეზიდენტ დონალდ ტრამპის მიერ წარდგენილი ეიმი კონი ბარეტი

სრულად 
ლიეტუვაში საპარლამენტო არჩევნების მეორე ტურში ოპოზიციურმა კოალიციამ გაიმარჯვა 

აღსანიშნავია, რომ სამივე პარტიის ლიდერი ქალია: ინგრიდა შიმონიტე (მამულის კავშირი),  აუშრინე არმონაიტე (თავისუფლების პარტია) და ვიქტორია ჩმილიტე-ნილსენი (ლიბერალური მოძრაობა)

სრულად 
ტიხანოვსკაია, კოლესნიკოვა და ცეპკალო მშვიდობის დარგში ნობელის პრემიაზე წარადგინეს

ბელარუსი ოპოზიციონერები ნორვეგიელმა პარლამენტარმა, ქრისტიანულ-დემოკრატიული პარტიის წევრმა, გეირ ტოსკედალმა წარადგინა

სრულად