გენდერული სიახლეები
იაპონიის ახალმა პრემიერმა იოშიჰიდე სუგამ მინისტრთა ახალი კაბინეტი წარადგინა, რომლის შემადგენლობა ქვეყვის იმპერატორმა ოფიციალურად დაამტკიცა.
მთავრობაში სულ 20 მინისტრი და აქედან მხოლოდ ორი ქალია- ოლიმპიური და პარაოლიმპიური საქმეთა მინისტრი, სეიკო ჰასიმოტო და იუსტიციის მინისტრი, იოკო კამიკავა.
ყოფილი პრემიერ-მინისტრის შინზო აბეს მთავრობიდან მინისტრების დაახლოებით ნახევარმა თანამდებობები შეინარჩუნა.
”ჩვენ იმედგაცრუებულები ვართ ახალი კაბინეტის შემადგენლობით,” - განაცხადა იურისტმა და Human Rights Now– ს ტოკიოს ოფისის გენერალურმა მდივანმა. მან აღნიშნა, რომ იაპონიაში გენდერული პარიტეტის კუთხით არასახარბიელო ვითარებაა და მოუწოდა ახალ მთავრობას აქტიური ნაბიჯები გადადგას არსებული ხარვეზის გამოსასწორებლად.
მსოფლიო ეკონომიკური ფორუმის (WEF) გლობალური გენდერული უთანასწორობის რეიტინგის მიხედვით, იაპონია 153 ქვეყანას შორის 121-ე ადგილს იკავებს.
შეგახსენებთ, იოშიჰიდე სუგა იაპონიის ახალ პრემიერ-მინისტრად აირჩიეს. მისმა წინამორბედმა შინზო აბემ თანამდებობა გასულ თვეს დატოვა და მიზეზად ჯანმრთელობის მდგომარეობის გაუარესება დაასახელა.
