გენდერული ძალადობა
სიჩუმე კედელში
2020-09-15 13:57:31

ხვალ რომ გათენდება, დაიფიცებ, რომ არაფერი ისმოდა, სიჩუმის გარდა.

გუშინაც ასე იყო და ხვალაც ასე იქნება, როცა ჩემი სახლის კარს ფართოდ გაღებულს დაინახავ დილიდან - ღამემდე.

დამნაშავესავით შემოხვალ უმღვდლო სავანეში, ჩუმად დაჯდები, თავსაც გაიქნევ, არ შემომხედავ და ზუსტად საღამოს ცხრაზე წახვალ კედლის მეორე მხარეს ბოლოდროინდელი სტატისტიკის დაბალ ხმაზე მოსასმენად.

დუმდი ყოველ დღე მანამ, სანამ მსოფლიო გაჩერდებოდა.

მიდიოდი სამსახურში დილას, უდარდელად, უფიქრელად, ანდაც ეგოისტურად, მარტოკა, შენთვის. სკოლაში მიმავალი გხვდებოდა ჩემი შვილიც, გესალმებოდა და იფარავდა სახეს იმ საღამოს სილურჯისაგან, როცა უკვე მერამდენედ გესმოდა ჭურჭლის სიმღერა - ხან გადაბმულად, ხან კიდევ დროში, წლებში, დღეებში გაწელილად.

მაგრამ, შენ დუმდი.

მიყურებდი მსოფლიოს ჩაკეტვამდე. მიღიმოდი ფერად და მზიან დღეს ადგილობრივ სუპერმარკეტში შემთხვევით შემხვედრს. მესალმებოდი, გესალმებოდი და ვჩერდებოდით. მინდოდა გეშველა ჩემი სხეულისთვის (სულს ვეღარ შეცვლიდი). გაცლიდი, დროს გაძლევდი, რამოდენიმე წამს, გადასარჩენად.

შენ ისევ დუმდი.

სამყარო გაჩერდა.

შენ გაგაჩერეს,

მე - დამატყვევეს.

ჩემი სახლის კარსუკან ხმები კი ისევ ირეოდა.

ჩვენი საძინებლები ერთ კედელს იყოფს - ატირებული ტუჩებით ჩამოკაწრული საღებავის მოლეკულებს შენკენ მუდარის ჩუმ ხმებს ვატანდი.

მაგრამ, შენ ისევ ჯიუტად დუმდი.

სამყარომ მუშაობა შეწყვიტა, ქმრის ხელმა - არა.

ჩაკეტილ ქალაქში, ჩაკეტილ კედლებში, ვირუსმორეული ჯანმრთელი უჯრედებივით მიცოტავდებოდა სიცოცხლის დღეები.
ერთხელ, ხმებისას, მსხვრევისას, დარტყმისას, შენც კი შეწუხდი.

საბედისწერო გარიჟაჟისას დააკაკუნე ნაცრისფერ კარზე, მეძინებაო, იქნება-და მიხედოთ პატარას, საწოვარა ჩაუდოთო პირში, რომ ტირის…

შენ საუბრობდი, მაგრამ თან დუმდი.

დილას მე მომკლეს…

...დამნაშავესავით მოხვედი უმღვდლო სავანეში, დაჯექი ჩუმად, თავი გააქნიე, არ შემომხედე და ზუსტად საღამოს ცხრაზე წახვედი კედლის მეორე მხარეს ბოლოდროინდელი სტატისტიკის დაბალ ხმაზე მოსასმენად.

***

ბლოგი მომზადებულია ქალთა საინფორმაციო ცენტრის პროექტის “ოჯახში ძალადობის მსხვერპლთა მხარდაჭერის გაძლიერება COVID-19-ით გამოწვეული კრიზისის პერიოდში” ფარგლებში, რომელიც ხორციელდება ევროკავშირის მხარდაჭერითა და ფინანსური დახმარებით და ორგანიზაციებთან „თანაზიარი“, მეგობრობის ხიდი "ქართლოსი" და Fundacja HumanDoc პარტნიორობით. ბლოგში გამოთქმული მოსაზრებები, შესაძლოა არ ემთხვეოდეს ევროკავშირის პოზიციებს. 

ჯუდი
ბოლო ამბები
აშშ საქართველოსთან თანამშრომლობას გადახედავს და ხელისუფლებას სავიზო შეზღუდვებს დაუწესებს

მიზეზი „უცხოური გავლენის გამჭვირვალობის" კანონი და მასთან დაკავშირებული მოვლენებია, მათ შორის „პროტესტის ჩახშობის მიზნით გამოყენებული რეპრესიული ტაქტიკა"

სრულად 
სამეგრელოში ცოლის მკვლელობის ბრალდებით ქმარი დააკავეს

ხუთი თვე და შვილი მოკლული ქალი საქართველოში - დღეს ზუგდიდის მუნიციპალიტეტის სოფელ კორცხელში ქმარმა ცოლი მოკლა

სრულად 
 ღონისძიებები
 ქალთა საინფორმაციო ცენტრი აცხადებს საინფორმაციო მასალების (ბლოგები/ვლოგები/ფოტო ამბები/სტატიები) კონკურსს
სრულად 
 დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
ყველა სიახლე 
დაკავშირებული სტატიები
სამეგრელოში ცოლის მკვლელობის ბრალდებით ქმარი დააკავეს

ხუთი თვე და შვილი მოკლული ქალი საქართველოში - დღეს ზუგდიდის მუნიციპალიტეტის სოფელ კორცხელში ქმარმა ცოლი მოკლა

სრულად 
რუსთავში კაცმა ცოლი და სიდედრი მოკლა

რუსთავში, დუმბაძის ქუჩაზე, ორი ქალი მოკლეს. არსებული ინფორმაციით, მამაკაცმა ცოლი და სიდედრი ცეცხლსასროლი იარაღით მოკლა. მამაკაცი შემთხვევის ადგილზე დააკავეს

სრულად 
საქართველოში ყოველ მე-2 ქალს ცხოვრების განმავლობაში ძალადობის ერთი ფორმა მაინც გამოუცდია

გაეროს ქალთა ორგანიზაციამ და საქსტატმა ქალთა მიმართ ძალადობის შესახებ ახალი ეროვნული კვლევა 2022 წარადგინეს

სრულად