გერმანიის პარლამენტმა მიიღო კანონი, რომლის მიხედვით ქალის ქვედაბოლოს ქვეშ ჩუმად გადაღება სისხლის სამათლის დანაშაული ხდება და ჯარიმით ან ორწლიანი პატიმრობით დაისჯება. ბუნდესტაგში შესაბამისი კანონპროექტი 2019 წლის სექტემბერში წარადგინეს. ახალი კანონი კი ძალაში შემოდგომაზე შევა.
ქალის ქვედაბოლოს ქვეშ ჩუმად გადაღება (upskirting) სერიოზულ პრობლემად სმარტფონების გამოჩენის შემდეგ იქცა. სხვადასხვა ქვეყნებმა upskirting -ს წინააღმდეგ ბრძოლა წამოიწყეს და შესაბამისი კანონმდებლობაც მიიღეს. კერძოთ, 2019 წელს ასეთი კანონი ინგლისმა და უელსმა, ხოლო 2018 წელს საფრანგეთმა მიიღო.
ინგლისში კანონმდებლობის გამკაცრების მოთხოვნით კამპანია 2017 წელს ლონდონის მაცხოვრებელმა გოგონამ, ჯინა მარტინმა დაიწყო.
2017 წლის ზაფხულში ის ლონდონის ჰაიდ პარკში მიმდინარე კონცერტის დროს თავხედური და დემონსტრატიული აფსქერთინგის მსხვერპლი გახდა. ადამიანს, რომელიც მას თავს არ ანებებდა და ქვედაბოლოს ქვეშ ფოტოებს უღებდა პოლიცია დაელაპარაკა და ფოტოების წაშლა მოთხოვა, თუმცა ეს მაქსიმუმი იყო, რისი გაკეთების უფლებას პოლიციას კანონმდებლობა აძლევდა.
ჯინამ გადაწყვიტა ებრძოლა და კანონის შესაცვლელად კამპანია წამოიწყო. ჯინა მარტინის ონლაინ პეტიციამ ათობით ათასი ხელმოწერა მოაგროვა.