გენდერული სიახლეები
UN Women: COVID-19-მა საქართველოში ქალთა მდგომარეობა გააუარესა, გენდერული უთანასწორობა კი გააღრმავა
2020-06-17 12:50:21

რა გავლენა იქონია COVID-19-მა საქართველოში ქალებისა და გოგოების მდგომარეობაზე და როგორ შეცვალა მათი ცხოვრება პანდემიამ – გაეროს ქალთა ორგანიზაციამ სიტუაციის სწრაფი გენდერული ანალიზი ჩაატარა.

UN Women-ის კვლევის მიხედვით, პანდემიის შედეგად  საოჯახო საქმეებზე გაწეული აუნაზღაურებელი შრომის ტვირთი ქალებისთვის კიდევ უფრო გაიზარდა.

მაგალითად, ბავშვების მოვლაზე, დალაგებასა და საჭმლის მომზადებაზე მათ ახლა გაცილებით დიდი დროის დახარჯვა უწევთ. გამოკითხული ქალების 61% ამბობს, რომ ისინი ბავშვებზე ზრუნვას მეტ დროს უთმობენ, 41%-ს დალაგებაზე დახარჯული დრო გაეზარდა, 31%-ს კი – საჭმლის კეთებაზე.

საინტერესოა იმ ძირითადი საქმიანობების შედარებაც, რომლებსაც ქალები და კაცები COVID-19-ის გავრცელების შემდეგ ასრულებენ.

ქალების შემთხვევაში მთავარი საქმიანობების ხუთეული ასეთია:

  • საჭმლის მომზადება;
  • დალაგება;
  • სახლის საქმეების მართვა;
  • ბავშვებზე ზრუნვა;
  • ბავშვების სასწავლო პროცესში ჩართულობა.

კაცების შემთხვევაში კი მთავარ საქმიანობები ასე გადანაწილდა:

  • სახლის საქმეების მართვა;
  • საყიდლებზე სიარული;
  • დასვენება;
  • შინაური ცხოველების მოვლა;
  • ბავშვებთან თამაში.

 

 

ამავე კვლევის მიხედვით, პანდემიის შედეგად, დასაქმებული მოსახლეობის მესამედმა სამსახური დაკარგა. გამოკითხული ქალების 78% აცხადებს, რომ თუ ვირუსის გავრცელების შემზღუდავი ზომები გაგრძელდება, მათ ძირითადი ხარჯების დაფარვა გაუჭირდებათ.

კვლევა ასევე აჩვენებს, რომ პანდემიამ და კარანტინმა შეზღუდული შესაძლებლობების მქონე ქალებისა და გოგოების მდგომარეობა გაამწვავა. რადგან შეზღუდვები ინფრასტრუქტურის პრობლემებს ამძაფრებს, შშმ ქალები და გოგოები, განსაკუთრებით კი უსინათლოები, აკლდებიან მზრუნველობას, რომელიც მათ გადაადგილებისთვის ესაჭიროებათ.

2020 წლის მაისში UN Women Georgia-მ საქართველოს მასშტაბით 1069 ადამიანი სატელეფონო ინტერვიუს სახით გამოკითხა. მათ შორის, 572 ქალია და 497 — კაცი. ანგარიში სრულად ხელმისაწვდომი ივნისის ბოლოსთვის იქნება. 

სწრაფი გენდერული ანალიზი მიზნად ისახავს სახელმწიფო ორგანოების, ადგილობრივი თუ საერთაშორისო პარტნიორების მიერ პანდემიაზე რეაგირების პროცესში გენდერული საკითხების გათვალისწინებასა და პანდემიაზე რეაგირებისა და მზაობის გეგმის გენდერული მგრძნობელობის უზრუნველყოფას.

კვლევა ჩატარდა პროექტის ფარგლებში: „კარგი მმართველობა გენდერული თანასწორობისთვის საქართველოში“, რომელიც დაფინანსებულია ნორვეგიის საგარეო საქმეთა სამინისტროსა და გაეროს ერთობლივი პროგრამის მიერ –„სოციალური დაცვის სისტემის ტრანსფორმაცია შეზღუდული შესაძლებლობების მქონე პირებისთვის საქართველოში“, რომელიც განხორციელდა მდგრადი განვითარების მიზნების ფონდის მხარდაჭერით.

ბოლო ამბები
კაცს, რომელმაც ქალის დაწვა სცადა, პატიმრობა შეუფარდეს

დაკავებულისთვის წარდგენილი ბრალი 16-დან 20 წლამდე თავისუფლების აღკვეთას ითვალისწინებს

სრულად 
პარლამენტმა პირველი მოსმენით მხარი დაუჭირა საარჩევნო კოდექსის ცვლილებათა პაკეტს, რომელიც გენდერულ კვოტირებასაც ითვალისწინებს 

კობახიძის განცხადებით, ეს წესი მომდევნო წლების არჩევნებზე ქალთა წარმომადგენლობის ეტაპობრივ ზრდას ითვალისწინებს.

სრულად 
 ღონისძიებები
 ქალთა საინფორმაციო ცენტრი მედია კონკურსს აცხადებს
სრულად 
 დისკუსია: საპარლამენტო არჩევნები და ქალთა პოლიტიკური მონაწილეობა
სრულად 
 ქალთა საინფორმაციო ცენტრი იწვევს ჟურნალისტებს ონლაინ ტრენინგში მონაწილეობის მისაღებად
სრულად 
 შენმოქმედი - სამოქალაქო მოძრაობა ყველა ოჯახისთვის საქართველოში 
სრულად 
ყველა სიახლე 
დაკავშირებული სტატიები
პარლამენტმა პირველი მოსმენით მხარი დაუჭირა საარჩევნო კოდექსის ცვლილებათა პაკეტს, რომელიც გენდერულ კვოტირებასაც ითვალისწინებს 

კობახიძის განცხადებით, ეს წესი მომდევნო წლების არჩევნებზე ქალთა წარმომადგენლობის ეტაპობრივ ზრდას ითვალისწინებს.

სრულად 
UNFPA-ს ანგარიში: ყოველდღიურად, მსოფლიო მასშტაბით, ათობით ათასს გოგონას ართმევენ ჯანმრთელობას, მათ უფლებებს და მომავალს

ანგარიშის თანახმად, სულ მცირე 19 საზიანო პრაქტიკა, დაწყებული მკერდის გაკვრით და დამთავრებული ქალწულობის შემოწმებით, მიჩნეულია ადამიანის უფლების დარღვევად. თუმცა ანგარიშში ყურადღება გამახვილებულია სამ ყველაზე გავრცელებულ საზიანო პრაქტიკაზე: ქალთა სასქესო ორგანოების დასახიჩრება, ბავშვთა/ადრეული ქორწინება და ვაჟებისთვის უპირატესობის მინიჭება

სრულად 
სოციალურ ქსელში რუსეთის ცესკოს მიერ გავცელებულ სექსისტურ რეკლამას განიხილავენ

"გააკეთე რამე სასარგებლო!"- ამ სათაურით რუსეთის ცენტრალურმა საარჩევნო კომისიამ სოციალურ ქსელში სექსისტური ვიდეო-რგოლი გაავრცელა

სრულად