მსოფლიოში კორონავირუსით 600-ზე მეტი მედდა გარდაიცვალა და 230 000-ზე მეტი სამედიცინო მუშაკი დაინფიცირდა. ამის შესახებ ინფორმაციას მედდების საერთაშორისო საბჭო (ICN) ავრცელებს.
ICN-ის ინფორმაციით ივნისში გარდაცვლილი მედდების რიცხვი გაორმაგდა (6 მაისის მონაცემებით მათი რიცხვი 260 შეადგენდა).
”ბოლო ორი თვის განმავლობაში, მსოფლიოში კორონავირუსის შედეგად გარდაცვლილი მედდების რიცხვი 100-დან 600-დე გაიზარდა და ვფიქრობთ, რომ მსოფლიოში სამედიცინო პერსონალის რიცხვი, რომლებიც შესაძლოა ვირუსით დაავადდნენ დაახლოებით 450,000 შეადგენს”- განაცხადა ICN– ის აღმასრულებელმა დირექტორმა ჰოვარდ კატონმა.
"ამ მონაცემების გარეშე, ჩვენ არ ვიცით COVID-19- ის ჭეშმარიტი "ფასი" და ეს ნაკლებ საშუალებას გვაძლევს, რომ მომავალში სხვა პანდემიას გავუმკლავდეთ", — თქვა ჰოვარდ კატონმა.
ICN საბჭო 130-ზე მეტ მედდების ასოციაციას და 20 მილიონზე მეტ წევრს აერთიანებს, ის აფრთხილებს მთავრობებს, რომ იმოქმედონ ჯანმრთელობის დასაცავად და სხვების სიცოცხლის გადასარჩენად. მისი ანგარიში ემყარება საექთნო ეროვნული ასოციაციების მონაცემებს, ოფიციალურ ფიგურებსა და მედიის ცნობებს შეზღუდული რაოდენობის ქვეყნებიდან.