საინტერესო
საბედა წიკლაურს დროებითი საცხოვრებელი გადაეცა
2020-05-08 10:46:47

დუშეთის მუნიციპალიტეტის მერიის ინიციატივითა და ხელშეწყობით, დეველოპერულმა კომპანია “რედკომ” სოფელ ქვემო ხორხში მცხოვრებ უსახლკარო ქალს - 78 წლის საბედა წიკლაურს, დროებითი საცხოვრებელი სახლი გადასცა.

როგორც „ინტეპრესნიუსს“ დუშეთის მუნიციპალიტეტიდან აცნობეს, საბედა ბებოს მიერ შერჩეულ ადგილას “რედკოს” წარმომადგენლებმა დაუდგეს სახლი-კონტეინერი, რომელიც კეთილმოწყობილია ავეჯით, ჭურჭლით და ყველა სხვა საჭირო ნივთით. მას აგრეთვე სუპერმარკეტი “სმარტისგან” გადაეცა ძირითადი მოხმარების სასურსათო კალათა და ტკბილეული.

“რედკოს” ჯგუფის წარმომადგენლებთან ერთად ადგილზე იმყოფებოდნენ დუშეთის მუნიციპალიტეტის მერიის წარმომადგენლები, ხოლო მანამდე ბენეფიციარი მოინახულეს და საკვები პროდუქტი ბინაზე გადასცეს მუნიციპალიტეტის საკრებულოს დეპუტატებმა - ზაზა უნდილაშვილმა და დემეტრე ჩხუტიაშვილმა.

„დუშეთის მუნიციპალიტეტის მერია მადლობას უხდის ამ სოციალურ ღონისძიებებში ჩართულ ყველა პირს და განსაკუთრებით, დეველოპერულ კომპანია “რედკოს” მაღალი სოციალური პასუხისმგებლობისა და გამოჩენილი ყურადღებისათვის. აღსანიშნავია, რომ კორონავირუსის გამო შექმნილ სიტუაციაში, კომპანია “რედკო” მუნიციპალიტეტში მცხოვრებ 500 სოციალურად შეჭირვებულ ოჯახს ორი კვირის წინ საკვები პროდუქტებითაც დაეხმარა,“- აღნიშნულია დუშეთის მუნიციპალიტეტის მიერ გავრცელებულ ინფორმაციაში.

შეგახსენებთ, რომ გასული წლის მიწურულს, „მთის ამბებმა“ მთაში მცხოვრები მარტოკაცების მხარდამჭერი ფონდი შექმნა. ფონდში შემოწირულების განხორციელება ყველას შეუძლია, ვისაც მთის სოფლებში მარტოკაცების მხარდაჭერა სურს. 2020 წლის 5 აპრილს, ხორხის ხეობაში, გუდამაყარსა და ხადის ხეობაში მცხოვრებ მარტოკაცებსა და მარტოქალებს, ფონდის მხარდაჭერით, 200 ლარიანი სასურსათო პაკეტები გადასცეს. 

საბედა ბებოს შესახებ „მთის ამბებმა“ რეპორტაჟი 7 აპრილს მოამზადა და კამპანია #საბედაბებოსთვის დაიწყო. 
საბედა ბებო აღნიშნულ კონტეინერში ცოტა ხანს იცხოვრებს, მალე კი მისთვის, „მთის ამბების“ მაყურებლების შემოწირულობით ახალ სახლს ააშენებენ. სამშენებლო სამუშაოები შეზღუდვების მოხსნისთანავე დაიწყება.

 

ბოლო ამბები
რუთ ბეიდერ გინსბურგი მეორე ქალია, რომელიც კაპიტოლიუმის შენობაში დაასვენეს

გინსბურგამდე ერთადერთი ქალი, რომელსაც მსგავსი პატივი ერგო სამოქალაქო უფლებების დამცველი როზა პარქსი იყო

სრულად 
საზოგადოებრივ მაუწყებელს ახალი გენერალური დირექტორი ჰყავს

საზოგადოებრივი მაუწყებლის სამეურვეო საბჭომ გენერალურ დირექტორად თინათინ ბერძენიშვილი ღია კენჭისყრით აირჩია. მის კანდიდატურას სამეურვეო საბჭოს რვა წევრმა დაუჭირა მხარი

სრულად 
 ღონისძიებები
 საგრანტო პროგრამა ახალგაზრდებისთვის 
სრულად 
 ქალთა საინფორმაციო ცენტრი აცხადებს ვიდეო რგოლების კონკურსს 
სრულად 
 ბერტა ფონ ზუტნერის მშვიდობის პრემია 2020
სრულად 
 ქალთა საინფორმაციო ცენტრი აცხადებს კონკურსს ბლოგერებისთვის
სრულად 
ყველა სიახლე 
დაკავშირებული სტატიები
რუთ ბეიდერ გინსბურგი მეორე ქალია, რომელიც კაპიტოლიუმის შენობაში დაასვენეს

გინსბურგამდე ერთადერთი ქალი, რომელსაც მსგავსი პატივი ერგო სამოქალაქო უფლებების დამცველი როზა პარქსი იყო

სრულად 
გამოცემა Time 2020 წლის ყველაზე გავლენიანი ადამიანების სიას აქვეყნებს

„თაიმის“ 100 ყველაზე გავლენიან ადამიანს შორის წელს ბევრია ექიმი

სრულად 
საქართველოში წელს სტუდენტი 29 614 აბიტურიენტი გახდა

ერთიანი ეროვნული გამოცდების შედეგი დღეს გახდა ცნობილი

სრულად