საინტერესო
ცხინვალის რეგიონი: 25-ზე მეტი პაციენტის მართვას ვერ შევძლებთ, სულ 7 რეანიმატოლოგი ვართ 
2020-04-24 15:17:39

კორონავირუსის შესაძლო გავრცელების თავიდან ასაცილებლად, სამხრეთ ოსეთის დე ფაქტო ხელისუფლებამ აპრილის დასაწყისში დახურა საზღვარი რუსეთთან, თუმცა 9 მაისის გამარჯვების აღლუმისთვის სამხედრო წვრთნები ჯერ კიდევ გრძელდება. 

აფხაზეთისა და სამხრეთ ოსეთის ექიმები ერთხმად აცხადებენ, რომ ახლა მთავარი პრობლემა ის არის, რომ მოსახლეობა თანდათანობით წყვეტს თვითიზოლაციის რეჟიმს. 

”ხალხი სახლში იჯდა, მაგრამ რამდენიმე კვირა გავიდა და დაიწყეს ქუჩაში გამოსვლა. ოფიციალურად, გადაადგილება შეზღუდულია, კარანტინის რეჟიმის დარღვევისთვის ბევრი ჯარიმდება, მაგრამ ბევრი ამ შეზღუდვებს სერიოზულად არ აღიქვამს”, - განაცხადა BBC– თან ინტერვიუში აფხაზეთის სამხედრო ჰოსპიტალის მთავარმა ექიმმა ზურაბ აჩბამ. 

ოფიციალური მონაცემების თანახმად აფხაზეთში სულ კოვიდ-19-ის 3 შემთხვევაა დადასტურებული. სამხრეთ ოსეთის დე ფაქტო ხელისუფლება კი ამტკიცებს, რომ კორონავირუსით ინფიცირების შემთხვევა ჯერ არ დაფიქსირებულა, თუმცა ქართულ მხარეს ამის არ სჯერა. 

ექიმი ოკუპირებული ცხინვალის რეგიონიდან აცხადებს, რომ დე ფაქტო რესპუბლიკაში კორონავირუსთან გასამკლავებლად სპეციალისტები არ ეყოფათ. BBC-სთან საუბრისას მან განაცხადა, რომ მთელს რეგიონში 26 ხელოვნური სუნთქვის აპარატი აქვთ და მისი გამოყენება დაახლოებით შვიდმა ადამიანმა იცის. 


ექიმი აცხადებს, რომ მხოლოდ 25 პაციენტის მართვას შეძლებენ, ინფიცირებულთა ზრდის შემთხვევაში კი პრობლემები შეექმნებათ. "ხელოვნური სუნთქვის აპარატზე ადამიანის მიერთება მარტივი პროცედურა არ არის. ამისთვის გამოცდილი ანესთეზიოლოგი და რეანიმატოლოგია საჭირო. მთელს რესპუბლიკაში ამ დავალებასთან გამკლავება რამდენიმე ადამიანს შეუძლია: ერთი მე ვარ, 4-6 ჩემი სტუდენტია და მორჩა", — განუცხადა გამოცემას ცხინვალის სამედიცინო ცენტრის მთავარმა ანესთეზიოლოგმა და რეანიმატოლოგმა, ალექსანდრე პლიევმა. 

მიუხედავად იმისა, რომ რესურსების ნაკლებობას თავადაც აღიარებენ, საოკუპაციო რეჟიმი საქართველოს დახმარებაზე უარს ამბობს და პირადი ნაცნობობის იმედად რჩება. BBC-სთან საუბრისას პლიევი აღნიშნავს, რომ პრობლემების შემთხვევაში დასახმარებლად რუს და დონეცკელ კოლეგებს მიმართავს. 

მსგავსი სიტუაციაა ოკუპირებულ აფხაზეთშიც. ექიმები ამბობენ, რომ ეპიდემიის სამართავად რესურსი არ ეყოფათ, თუმცა თბილისის დახმარებაზე უარს ამბობენ. გავრცელებული ინფორმაციით, ოკუპირებულ რეგიონში პრობლემები აქვთ სამედიცინო აღჭურვილობის მხრივაც. 

საოკუპაციო რეჟიმის გადაწყვეტილებით, არსებული შეზღუდვები 30 აპრილამდე გაგრძელდება. ამ ეტაპზე ისევ უცნობია, როდის გაიხსნება ე.წ. გამშვები პუნქტები. 

ოკუპირებულ რეგიონში მაცხოვრებლების დასახმარებლად, გამყოფი ხაზის მიმდებარედ, რუხში,  საავადმყოფო აშენდა, სადაც კორონავირუსით ინფიცირებული პაციენტების მკურნალობაა შესაძლებელი. თუმცა, აფხაზეთის დე ფაქტო ხელისუფლება უარზეა ამ კლინიკით ისარგებლოს. მათი თქმით, ეთნიკურად ქართველები "როგორღაც" ახერხებენ ე.წ. საზღვარზე გადაპარვას და ისინი "ამაზე თვალს ხუჭავენ", თუმცა თავისი ინიციატივით სამკურნალოდ ისინი არავის გაშვებას აპირებენ.

ბოლო ამბები
ომბუდსმენი: მნიშვნელოვანია, რომ საზოგადოება ზოგადად იყოს სოლიდარული მსხვერპლის მიმართ

სახალხო დამცველის თქმით, უფრო მნიშვნელოვანია საზოგადოება იყოს სოლიდარული მსხვერპლის მიმართ და საზოგადოებისგან აგრესია ძალადობის მსხვერპლი ქალების მიმართ არ უნდა იყოს მიმართული

სრულად 
ნათია მეზვრიშვილი: ყველაფერი კეთდება იმისთვის, რომ 15 ივლისამდე საზოგადოებრივი ტრანსპორტი ამუშავდეს

ყველაფერი კეთდება იმისთვის, რომ 15 ივლისამდე საზოგადოებრივი ტრანსპორტი ამუშავდეს, რადგან კარგად გვესმის, რამხელა დისკომფოტია ეს მოქალაქეებისთვის

სრულად 
 ღონისძიებები
 ქალთა საინფორმაციო ცენტრი იწვევს ჟურნალისტებს ონლაინ ტრენინგში მონაწილეობის მისაღებად
სრულად 
 შენმოქმედი - სამოქალაქო მოძრაობა ყველა ოჯახისთვის საქართველოში 
სრულად 
 დარჩი სახლში!იგრძენი თავი უსაფრთხოდ!დაიცავი თავი ძალადობისგან!
სრულად 
 საქართველოს ქალთა აქტივისტური ჯგუფებისა და არასამთავრობო ორგანიზაციების მოწოდება!
სრულად 
ყველა სიახლე 
დაკავშირებული სტატიები
ორსულობის, მშობიარობისა და ბავშვის მოვლის გამო შვებულებაში მყოფი პირი კომპენსაციას მიიღებს

პირს, რომელიც ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო შვებულებაში იმყოფებოდა, თუმცა, კორონავირუსით შექმნილი ვითარებიდან გამომდინარე სამსახური დაკარგა, კომპენსაცია მიეცემა

სრულად 
იტალიაში არალეგალ მიგრანტებს ქვეყანაში ცხოვრებისა და მუშაობის უფლებას მისცემენ

საქმე ეხება იმ მიგრანტებს, რომლებიც სოფლის მეურნეობის სფეროში არიან დასაქმებულნი ან სახლში დამხმარეებად მუშაობენ

სრულად 
ამ ლოცვას სხვა პანდემიებს ვუძღვნი: შიმშილის, ომების, გაჭირვებაში მყოფი ბავშვების პანდემიებს

რომის პაპის განცხადებით, კორონავირუსის პანდემიის გარდა, მსოფლიოში უამრავი სხვა „პანდემია“ არსებობს, რომელსაც არავინ ამჩნევს, თუმცა მილიონობით ადამიანის სიკვდილს იწვევს

სრულად