გენდერული ძალადობა
ძალადობის პანდემია: მსოფლიოში მკვეთრად გაიზარდა ოჯახში ძალადობის შემთხვევების რაოდენობა
2020-03-31 16:52:39

კორონავირუსის პანდემიის დაწყებისთანავე, სხვადასხვა ქვეყანების ხელისუფლება მოუწოდებს მოქალაქეებს თვითიზოლაციისკენ და ამ პერიოდში სახლს ყველაზე უსაფრთხო ადგილად მიიჩნევს. მართლაც, სახლში დარჩენით ინფიცირების რისკი გაცილებით დაბალია, თუმცა სამწუხაროდ სახლი   ყველასთვის "ყველაზე უსაფრთხო ადგილს"არ წარმოადგენს.

გაეროს სპეციალურმა მომხსენებელმა ქალთა მიმართ ძალადობის საკითხებში დუბრავკა სიმონოვიჩმა განაცხადა, რომ სხვადასხვა ქვეყნებში კარანტინის შემოღებამ გაზარდა ოჯახში ძალადობის შემთხვევების რაოდენობა და მოუწოდა ხელისუფლების წარმომადგენლებს, მიიღონ დამატებითი ზომები მსხვერპლთა დასახმარებლად.

საფრანგეთის შინაგან საქმეთა მინისტრმა, კრისტოფ კასტანერმა განაცხადა, რომ მოქალაქეების თვითიზოლაციამ ქვეყანაში ოჯახში ძალადობის ზრდა გამოიწვია. მას შემდეგ, რაც 17 მარტს საფრანგეთში კარანტინი გამოცხადდა, ქვეყნის მასშტაბით, ოჯახში ძალადობის შემთხვევების რაოდენობა 32% -ით გაიზარდა. თავის გამოსვლაში მინისტრმა აღნიშნა, რომ მხოლოდ პარიზში ოჯახში ძალადობის ფაქტების ზრდა 36% -ს შეადგენს.

საფრანგეთის მთავრობამ მიიღო გადაწყვეტილება ძალადობის მსხვერპლთა უსაფრთხოების უზრუნველსაყოფად უფასოდ განათავსოს ისინი სასტუმროებში.

გენდერული თანასწორობის მინისტრმა მარლენ სკიაპამ განაცხადა, რომ ქვეყნის მასშტაბით მაღაზიებსა და აფთიაქებში დაახლოებით 20 ცენტრი გაიხსნება, რათა ქალებს შეეძლოთ საყიდლების დროს დახმარებისთვის მიმართვა.
მთავრობა ასევე გამოყოფს ერთი მილიონ ევროს (1,1 მილიონი აშშ დოლარი) არასამთავრობო ორგანიზაციებისთვის, რათა უფრო ეფექტიანად დაეხმაროს ოჯახში ძალადობის მსხვერპლებს კარანტინის პირობებში.

ოჯახში ძალადობის შემთხვევები მკვეთრად გაიზარდა ჩინეთშიც. ერთ-ერთი არასამთავრობო ორგანიზაციის წარმომადგენლის განცხადებით, რომელიც ჰუბეის პროვინციაში ძალადობის მსხვერპლებს ეხმარება, კარანტინის დროს ცხელ ხაზზე ზარების რაოდენობა გაორმაგდა.
სიტუაცია გამწვავდა ბრაზილიაში.  ოჯახში ძალადობის ფაქტების რაოდენობა 40-50% -ითაა გაზრდილი.  

სიტუაციის გამწვავებაზე ასევე აცხადებენ  უფლებადამცველები იტალიიდან და ესპანეთიდან. განსაკუთრებულ შეშფოთებას მათში ის ფაქტი იწვევს, რომ კარანტინის პირობებში ქალები ხშირად ვერ ახერხებენ პოლიციაში დარეკვას. ამასთან დაკავშირებით, ორივე ქვეყანაში გადაწყდა, რომ განსაკუთრებული ყურადღება დაეთმოს ონლაინ დახმარებას.

კანარის კუნძულების ხელისუფლებამ კი რთულ სიტუაციაში მოხვედრილ ქალებისთვის შემდეგ ხერხს მიმართა: საკმარისია ოჯახში ძალადობის მსხვერპლმა აფთიაქში ნიღაბი-19 მოითხოვოს. ამ კოდური სიტყვის თანახმად, ფარმაცევტი მიხვდება, რომ ქალს სასწრაფო დახმარება ესაჭიროება.

გერმანიაში, ბუნდესტაგის „მწვანეთა“ ლიდერმა, კატრინ გიორინგ-ეკარდტმა ასევე გამოხატა შეშფოთება იმ ათასობით ქალის ბედით, რომლებიც აგრესორებთან ერთსა და იმავე სივრცეში დარჩნენ. პოლიტიკოსმა მოუწოდა გერმანიის ხელისუფლებას ოჯახში ძალადობის მსხვერპლთათვის ახლა ცარიელი სასტუმროები კრიზისულ ცენტრებად გადააკეთოს.

ბოლო ამბები
აშშ საქართველოსთან თანამშრომლობას გადახედავს და ხელისუფლებას სავიზო შეზღუდვებს დაუწესებს

მიზეზი „უცხოური გავლენის გამჭვირვალობის" კანონი და მასთან დაკავშირებული მოვლენებია, მათ შორის „პროტესტის ჩახშობის მიზნით გამოყენებული რეპრესიული ტაქტიკა"

სრულად 
სამეგრელოში ცოლის მკვლელობის ბრალდებით ქმარი დააკავეს

ხუთი თვე და შვილი მოკლული ქალი საქართველოში - დღეს ზუგდიდის მუნიციპალიტეტის სოფელ კორცხელში ქმარმა ცოლი მოკლა

სრულად 
 ღონისძიებები
 ქალთა საინფორმაციო ცენტრი აცხადებს საინფორმაციო მასალების (ბლოგები/ვლოგები/ფოტო ამბები/სტატიები) კონკურსს
სრულად 
 დანიის გენდერისა და თანასწორობის ცოდნის ცენტრი KVINFO აცხადებს მკვლევრის ვაკანსიას
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
 ქალთა საინფორმაციო ცენტრი აცხადებს ბლოგების/ვლოგების/ ფოტო ამბების და პოსტერების კონკურსს
სრულად 
ყველა სიახლე 
დაკავშირებული სტატიები
სამეგრელოში ცოლის მკვლელობის ბრალდებით ქმარი დააკავეს

ხუთი თვე და შვილი მოკლული ქალი საქართველოში - დღეს ზუგდიდის მუნიციპალიტეტის სოფელ კორცხელში ქმარმა ცოლი მოკლა

სრულად 
რუსთავში კაცმა ცოლი და სიდედრი მოკლა

რუსთავში, დუმბაძის ქუჩაზე, ორი ქალი მოკლეს. არსებული ინფორმაციით, მამაკაცმა ცოლი და სიდედრი ცეცხლსასროლი იარაღით მოკლა. მამაკაცი შემთხვევის ადგილზე დააკავეს

სრულად 
საქართველოში ყოველ მე-2 ქალს ცხოვრების განმავლობაში ძალადობის ერთი ფორმა მაინც გამოუცდია

გაეროს ქალთა ორგანიზაციამ და საქსტატმა ქალთა მიმართ ძალადობის შესახებ ახალი ეროვნული კვლევა 2022 წარადგინეს

სრულად